Tesco Professional 木刀座

最近添置咗6把孖人牌，令廚房刀既數目一下子由10把，激增至16把!

我一向將所有廚刀放喺櫃筒~ 不過孖人牌咁鬼利...一下唔小心的話，我就真係以後都唔洗彈鋼琴嘞~~  (大吉利是!!!)，所以決定買個刀座......已經搵咗個幾星期，不過市面上可以買到既木刀座，幾乎全部都係包埋一大咋廚刀既!

終於都比我喺Tesco 搵到個完全合哂我心水要求既木刀座 - 簡單靚仔刀位夠多唔大舊，只賣£9.79~

不過個刀座都係放唔哂我屋企所有廚刀! 因為除咗果6把新買既孖人牌之外......

 早前返香港，喺吉豬島10蚊店見到既日本製小童用廚刀~ 把刀專比小朋友用，所以唔太利 (都利利地架!!!) 我見把刀圓卜卜咁cute，先發手痕買......

 用來斬骨既普通廣東菜刀1把;

 不鏽鋼日式菜刀1把;

 日本廚刀3把(上至下): 日式菜刀, 斬刀, 魚生刀;

 一set 3把既不鏽鋼廚刀;

 燒雞、燒牛肉...etc用既carving set~

其他既刀就由佢地留喺櫃筒裡面啦! 反正未買刀座之前已經係咁架啦~~~~