再見初二 (1 Feb 2014 - 4 Apr 2015)

個多星期前初二去過彩虹橋join McHamHam......

初二係我第3隻收養返來既鼠鼠...暫時佢係唯一一隻來咗咁耐，
由頭到尾都仲係咁細膽既鼠鼠......

幾乎每次放佢出來都會瀨尿...花咗最多時間心機去tame 佢.......

舊年馬年大年初二從寵物店領養佢，當時佢已經係一隻成年中國倉鼠，
體型比店內其他中國倉鼠大.......

由於中國倉鼠動作快 + 較神經質，所以好耐都無人領養佢，直至我地.......

初二一直都好健康無病無痛，走之前一晚仍然有玩跑輪，
不過中國倉鼠壽命只有大約1.5年，佢之前兩三個月已開始陀背，
依個係中國倉鼠年老既跡象......

所以今次我已一早有哂足夠心理準備...有生命既野，始終都會有終結既一日......
斷斷續續養咗倉鼠十幾年，已經習慣咗接受.......

初二喺睡夢中走得好安詳.......

每隻鼠鼠對我來講都係獨一無二，無可代替! 
永遠唔會忘記初二果雙令我觸電既大眼睛.......

將初二埋葬咗喺McHamHam 隔離...RIP my little sweethearts~