自製香滑腸粉(改良版)

之前都整過豬腸粉，不過當時懶傳統地用腸粉布來蒸......(網誌)

今次用咗個簡單好多，快手好多，又容易清洗好多既方法 - 玻璃盆!

1. 粘米粉200ml、木薯粉2湯匙、生油1茶匙、鹽半茶匙和清水600ml 拌勻。
(P.S. 無錯粘米粉係200ml! 粘米粉 + 水比例為1:3~)

2. 長方形玻璃盆掃上一層生油，倒入粉漿至剛剛鋪滿玻璃盆底部。

3. 隔水大火蒸3分鐘，趁熱用矽膠刮將粉皮捲起成長條。

4. 豬腸粉豉油: 滴珠油、生抽、糖和清水拌勻試味。

5. 豬腸粉切段上碟，淋上豬腸粉豉油，灑上少許白芝麻，再淋上芝麻醬和辣椒醬即成。

(P.S. 我唔食甜醬既! )