2012年5月16日: 老少平安; 蔥花蛋炒飯 & 清炒菜心
買到鯪魚肉真係開心!
一pack 3大塊鯪魚柳，早兩日用咗1塊來攪鯪魚肉，
攪鯪魚肉只用咗一半來煎魚餅整炒魚鬆;
整酸辣湯用咗半盒紙包豆腐.........
剩低一半魚肉 + 半盒豆腐，剛好用來整老少平安!
果晚有白飯剩低，用來炒個簡單蔥花蛋炒飯~
再加碟菜......美味飽足既一餐!
老少平安(鯪魚肉蒸豆腐)食譜click here~
2012年5月17日: 蠔皇鮮竹卷 & 自製香滑腸粉
今日突然好想飲茶 - 酒樓食點心果隻飲茶!
Weekend 喺中超買到軟腐皮，一於試吓整我想整好耐既鮮竹卷!
好成功!
好好味好有滿足感~~~~ 
再整多碟自製齋腸......依餐V女茶樓，真係以為自己返咗香港呢!
雖然我最愛既辣椒醬係余均益......
不過我覺得余均益同豬腸粉豉油 + 芝麻醬味道唔多夾!
食豬腸粉用"是拉差"對味得多!
上一次整豬腸粉用既日本芝麻醬太稀唔夠香......
嘩你本事我就知,但無想過你可以本事到咁,腸粉都識,你可以做生意啦,我認真架,Mrs.T你真的年青美麗,多才多藝,廚藝精湛,勁.....
回覆刪除[版主回覆05/18/2012 16:34:14]嘩...我邊有妳講到咁勁呀? 比妳讚到我滴哂汗..... (but thank you!) 太過獎嘞~ 自家手作仔點做生意!
連點心你都識整...
回覆刪除[版主回覆05/19/2012 16:18:12]我識整既點心都係好容易整架!
你真係好勁.....
回覆刪除[版主回覆05/19/2012 16:16:12]過獎嘞小車! 我唔勁~ 我都唔識飛天遁地!!
樣樣都識製..好鬼叻呀!!
回覆刪除[版主回覆05/19/2012 16:14:28]過獎嘞小白! 因為樣樣都易整啫~
好正啊...我得閒都要試整啊
回覆刪除[版主回覆05/22/2012 03:38:14]依個好快手之嘛! 洗咩等得閒先整?
我都覺最好味的辣椒醬係余均益，配炒粉麵一流呀!
回覆刪除[版主回覆05/22/2012 03:37:37]炒粉炒麵一定要用余均益! 不過豬腸粉就唔襯，要用是拉差!!
Mrs.T我又來探你啦,你忙嗎?祝你天天都開心愉快
回覆刪除[版主回覆05/31/2012 19:20:32]我update 咗嘞! 大家咁話- 大家都要多多保重~
[緊張大師-小女人回覆05/26/2012 08:26:09]明白,咁你有時間才寫blog啦,等你呀.保重
[版主回覆05/24/2012 06:52:01]唔打擾~ 唔打擾~ 其實我只係搬人唔搬屋，所以完全唔洗執野!
[緊張大師-小女人回覆05/23/2012 22:42:14]明白,咁你好多東西要整理我唔打擾你啦,你小心保重,等你的美食架
[版主回覆05/23/2012 18:01:48]Hello 緊張大師~ 最近係忙dd啊, 準備搬去南下嘛! 希望快d有時間整野食, 我有好多野想整啊!!! have a nice day~
好耐都冇黎探你啦 一入黎就咁多美食呢~
回覆刪除[版主回覆05/24/2012 06:46:19]我最近成日去咗南下，已經少咗好多時間整野食架嘞....
一想食就開工整﹐真係少D衝勁同耐性都唔得呀~
回覆刪除俾著我想食某D野就好難會等到自己慢慢整完先慢慢嘆~
因為好多時當我整完一大餐後﹐我又冇心機食喇~
[版主回覆05/31/2012 19:21:38]哈哈~~~ 整完一大餐無心機食...有時我都會架! 尤其係天氣熱既時候，真係食龍肉都無味!!
叻叻
回覆刪除[版主回覆06/07/2012 05:35:57]Thank you 其美!