蜜糖豆炒魚鬆

來咗英國咁耐，終於第一次買到鯪魚肉!

急不及待老翻一下V媽媽既蜜糖豆唐芹炒魚鬆~

可惜是日買唔到唐芹......

買到唐芹就加埋唐芹落去炒啦!!

鯪魚英文叫做Dace Fish~ 

香港個個街市都買到已攪好既鯪魚肉就用現成得啦，

我依度只買到成條鯪魚柳就要自己打魚肉......

1. 已去鱗及骨的急凍鯪魚柳，連皮及不用退冰切成大丁。

2. 連同適量陳皮、莞茜和已浸軟的髮菜，放入food processor 高速打成蓉。(打時酌量加入少許清水!)

3. 將打好的魚蓉放在大碗中，加入胡椒粉、雞粉、麻油、粟粉和蔥花，用筷子以同一方向拌至結實起膠。

4. 燒熱油鑊，將魚蓉壓扁煎熟至兩面金黃成魚餅，切粗條備用。

5. 蜜糖豆洗淨瀝乾，摘去頭尾撕去粗筋。

6. 燒熱油鑊爆香蒜蓉，下蜜糖豆和少許清水炒一會。

7. 加入魚鬆兜勻，用雞粉和糖調味炒勻，上碟即成。