酸辣湯

唔敢叫佢做上海酸辣湯或四川酸辣湯，

因為無豬紅又無豬肚絲......

但佢絕對又酸又辣惹味好味道!

無花無假係酸辣湯!! 

1. 豬肉約160g 切幼絲，用胡椒粉、生抽、糖、麻油和粟粉醃好備用。

2. 冬菇和木耳浸切絲; 罐頭竹筍切絲; 豆腐切條備用。

(份量隨自己喜好去因啦!)

3. 燒熱油鑊，下肉絲、冬菇絲、木耳絲和竹筍絲爆炒一會後灒少許紹酒。

4. 加入清水約1200ml，下雞湯濃湯寶1粒煮溶。

(可用清雞湯代替~)

5. 加辣豆瓣醬4湯匙、浙醋6湯匙和老抽酌量煮勻試味。

(P.S. 依個份量只係大約~ 老抽最主要用來調較湯既顏色; 每人口味唔同，請自行增減辣豆瓣醬 + 浙醋份量! )

6. 雞蛋1隻發勻，湯滾時慢慢將蛋液加入湯中成蛋花。

7. 加入豆腐絲煮至湯回滾。

 

8. 用馬蹄粉1湯匙加少許清水拌勻，勾芡至湯回滾變稠。

9. 灑上莞茜、蔥花和少許麻油即成。