買少少本週精選 (2012年5月13日)

剛過去既weekend Mr.T返來Glasgow，
所以我唔洗南下!
星期日天氣好差完全唔想出街， 
本來想留喺屋企二人世界......
不過現成大力咕喱Mr.T 喺度，
機不可失捉咗佢去各大超市入日用品!

第一站先去Home Bargains 搬廁紙洗衣粉柔順劑等等， 
廁紙洗衣粉柔順劑依d野唔洗影啦!
因為重點係 - 我喺Home Bargains 搵到2樣正野!! 


第一正: ecoChef環保砧板



返香港時喺工展會V媽媽送咗塊38cm x 28cm Epicurean環保砧板比我($3xx)，
美國製既Epicurean 係用壓縮木纖維造成;
而依塊型仔黑色英國製既ecoChef 係用壓縮卡紙板造成，
不過攞上手質感 + 實質用起上來，感覺完全一模一樣!
兩者同樣聲稱防菌防霉防臭防污漬，而且洗後即兩者樣即抹即乾，
兩塊一樣咁好用!! 

依塊ecoChef 比我塊Epicurean 細d，只有30cm x 24cm~
拔......Home Bargains 只賣£2.99! 
(相同size Epicurean 喺英國網上店要£22呢!! )


 
BB cream 暫時喺英國仍然算係新產品，唔似得香港咁多選擇，所以只要見到有都會買來試吓!
睇吓邊隻最啱自己......

 
之前買咗Garnier 既BB cream，試用後感覺一般，
個人覺得太濕，吸收得好慢~

今次比我見到依隻 - 第二正: Pure BB cream
雖然我仲未開來用，不過個價錢已經好靚!Garnier 無減價要£9.99 each，減咗都要£7.XX;
不過依枝Pure 只需£1.99! 
(希望會好用啦!!)對以上兩樣野有興趣既英國網友，
快d去Home Bargains 分店走一轉嘞~~~ 


因為就快搬去南下一段時間，
所以南下會去各大超市探吓路點吓貨(睇吓有咩賣!)，
不過so far 我覺得南下中超無一間正過Glasgow 既中超!
洋超就仲加衰!
e.g. 南下大部份聲稱24hrs 既Tesco or Asda，
實質並非開足24小時! 星期日仲過份到4pm 就關門大吉...... 
蘇格蘭邊係咁架 - 話明24小時真係開足24小時!
(咁鬼懶~ 難怪英國經濟咁差咯.......)

好掛住Glasgow 既中超!
走咗轉中超入辣椒油 + 蝦醬......

來咗英國咁多年，終於第一次買到鯪魚肉!
雖然依隻越南入口既鯪魚肉係原條魚柳要自己打蓉，
不過有得賣已經好滿足!!
(希望佢地會繼續keep 住入貨啦!!!!)


 
一直好想整腐皮卷 + 鮮竹卷~
 不過中超賣既兩種腐皮...... 
一種係急凍既，好大張一次一定用唔哂，但解咗凍又唔可以再雪返;
另一種係乾既腐竹，買過幾次未整已經碎鬼哂好難儲存! 

今次買到依隻軟身豆腐皮，唔洗雪又唔會碎，
終於可以開工咯~~~~ 

另外想推介依隻Whittard 既Pink Lemonade 茶粉!
喺店裡面試過，即時愛上咗~~~ ♥熱水凍水沖都得!
我飲既係冰凍vision~ 好正既夏天消暑飲品!