蘇太柑桔滿堂醬荷蘭豆炒蝦球

英國既中國超市並非只賣中式食品調味料，日韓星馬泰越印既產品...都有!
所以每次見到有來自香港既新貨品，阿V就會特別覺得有親切感，
仲會仆到去買來試...事關唔知件貨只係one off 定長期都有得賣.......

返香港前發現泗和行入咗咋蘇太名醬，記得上年返香港時喺City Super 見過，
即時買咗一樽柑桔滿堂醬 + 一樽秘製川椒醬~ 今次用咗柑桔滿堂醬.......
所謂"柑桔滿堂"...材料有欖角、蒜頭、乾蔥、柑桔、指天椒 + 陳皮，
真係齋睇材料都覺得惹味~~~ ^^


1. 大蝦開背挑出沙線，抹乾水份，用胡椒粉、紹興酒、少許鹽和粟粉抓勻備用。


2. 荷蘭豆撕去筋，洗淨瀝乾備用。


3. 燒熱油鑊爆香拍扁蒜頭，下大蝦快炒至開始變色。


4. 加入荷蘭豆炒勻，灒少許紹興酒，下少許糖調味。


5. 最後下適量蘇太柑桔滿堂醬兜勻上碟即成。