Amsterdam Mini Cruise - 11年後舊地重遊 (2015年9月30日)

喺郵輪上渡過咗大約17小時，郵輪到達到Amsterdam~ 海關超hea 過關超快，
過完關直接出去搭郵輪公司安排好既旅遊巴出Amsterdam 市中心......

由碼頭搭旅遊巴去Amsterdam 市中心，大約需時45分鐘至1小時~

架車搖多兩下就恰著咗...到市中心時仲要Mr.T 叫醒我 =P
是日天氣好好，同我地上一次去Amsterdam 時一樣係藍天白雲! ^^

Amsterdam 真係十年如一日...到處可見充滿迷幻feel 既店舖! LOL

途經依處覺得似曾相識，有理無理搵人幫我地影返張相先........

返到屋企搵返舊相，原來我地11年前真係喺相同位置影過相! XDDD
(其實感覺無咁耐...睇返相先知係11年前! Time flies~~~)


由於錯過咗早餐時間，第一時間要先去醫肚!!!
好老實...其實我同Mr.T 都覺得，
如果唔係有兩大不良嗜好(嫖 + 毒)的話，Amsterdam 真係去一次就夠!
11年前我地去過Amsterdam 一次，從來都無唸過會舊地重遊此地，
食野係一個好主要因素，比較地道既餐廳通通下午先開門，
但酒吧呀、大麻cafe 呀依d一早就開哂門仲生意興隆，唔想食麥當勞就唯有食依d........

仲有幾碟壽司無影到........

時光倒流11年前...杜莎夫人蠟像館 (好扮唔扮...扮流鶯.....唉....)

Sex Museum (有入到去架! 面紅......)

Torture Museum (酷刑博物館)

荷蘭賣花姑娘

運河觀光船

馬車

三輪車的士 (唔知點解今次去好似唔多覺眼有依d的士?)

連風車都比我地搵到一個! 
(Amsterdam 市中心基本上係無風車既，依個絶無僅有係馬車車夫帶我地去~)

基本上...大部份正常既遊客活動，我地11年前已經做哂.......


食完野後我地即時起程去我地是日既唯一目的地 - I amsterdam 地標~

11年前無來過...查實唔知當時有依個地標未?

好多人...太多人........

可能因為是日天氣好好，周圍都實在太多人，無論咩野角度都會比其他遊客遮住.....

前面影唔到咁就退而求其次影後面啦.......

反翻轉咪變返正面囉! XDDDDD

Rijksmuseum (荷蘭國家博物館)前再來一張~


影完地標，行返回頭路........

行去緊地標既時候，途經一個market........

全部都係賣同花有關既旅行手信，真正花多眼亂!

竟然連依樣都有得賣! @@ 不過我相信根本無可能入到其他國家.......

Amsterdam 除咗花多、大麻多之外，芝士都好多! 周街都係芝士店~

種類繁多，不過我對芝士麻麻地 =P

天氣超好! ^^

同Mr.T 喺市中漫無目的閒逛，好relaxed~

突然我地留意到運河既圍欄有d野........

原來運河兩邊既圍欄好似巴黎鎖橋咁扣咗好多"情人鎖"! ❤

剛好我地所在位置不遠處有間五金店，我地又去買咗把鎖 + 2枝箱頭筆有樣學樣! ^^

搵間咖啡店坐低飲杯茶食件蘋果批，慢慢畫 ^^

好詳細! XDDDDD

雖然唔係巴黎鎖橋，但照鎖可也! ^^

我地留起把鎖附有既鎖匙，如果下次再去Amsterdam 把鎖仲喺度，
我地就將把鎖帶返屋企，感覺好浪漫啊~~~~~ ❤


今次來Amsterdam 想搵一樣英國無得賣既野.........

舊年返香港時搭KLM，回程時飛機上食過依隻焦糖夾心餅，我覺得好正!
但喺英國搵咗好耐都搵唔到，所以今次想搵吓當地超市有無.......

P.S. 拜託唔好話我知英國間間超市都有得賣! 
英國有得賣果d係caramel waffles! 同依隻唔同既.......

可惜行咗兩三間超市都搵唔到我想要果隻，唯有買咗2包外型類似既返來試吓!

為食再加包蛋糕仔，仲有隻陶瓷荷蘭屐花盆自種鬱金香，
11年前來過Amsterdam 都知道無咩野買，
況且今次主要係experience 郵輪，無乜特別野想買~

閒逛完一輪到指定地點搭旅遊巴返碼頭，見到個位置幾好，唸住同隻郵輪影張合照~
正當我較緊位置時間制既時候，突然一架警車停喺我地身邊........
2個警察落車逗我地，問我地喺度做乜! (XDDD 佢地態度係友善既! ^^)
佢地以為我地蕩失路，所以先停低問吓我地 ^^
不過佢地問完之後，啱啱來咗架大貨車泊咗喺依個影相位!!!!!! ><

Bye bye Amsterdam~
今次舊地重遊感覺Amsterdam 其實同11年前分別不大，
(11年前有點夜生活去過紅燈區咁囉! XDDD)
不過11年前我覺得唔會重返Amsterdam; 今次反而覺得我地會再去過!
年紀大咗，心態唔同咗? LOL

晚餐都係食自助餐，不過頭盆主菜全部都同之前一晚唔同!

今晚主菜無燒牛肉，改為燒豬 + 燒火雞，我第一次食燒火雞胸係唔乾的! 好味~ ^^

食完晚餐剛好趕及火陽下山水尾~ ^^