而重災區竟然係我個廚房!
大家有無好奇 - 一個幾乎完全唔識煮野食既人，
破壞力究竟會有幾大呢?
讓我同大家報告一下V女廚房既災情......
- 煮即食麵既copper pan 有一鍋浮住片片嘔心灰綠色霉菌既即食麵湯;
- 一叠已洗乾淨既碗碟上有4個洗衣液包包;
- 孖人牌骨剪條彈弓浸咗喺洗碗盤裡面;
- 全個廚房佈滿外賣膠盒 / 紙盒 / 膠袋既屍體;
- 薄餅焗盆有大塊不沾層剝落要報銷;
- 廚房窗台種咗快3年既rosemary 正式宣佈因嚴重脫水而死亡!
查其依棵rosemary 係2年多前我一個人返香港時，
Mr.T 誤殺咗我另一棵rosemary 而賠比我既代替品~ (網誌)
估唔到佢都走唔出同一命運!
除咗盆rosemary，廚房以外......
依小盆心心仙人掌亦係受害者之一!
我發現時佢已經黃淦淦奄奄一息，
經過我2星期搶救而家慢慢開始回綠，
但我認為佢仲未渡過危險期!
仍然有待進一步觀察~
咁搞法就緊係要賠啦!
Weekend Mr.T 由Birmingham 返咗來Glasgow，
星期日特登一早捉佢去claim compensation!!
第一站係IKEA......
收拾緊廚房時，我唔小心打爛咗一個黑色麵碗 (左上)，
我深信因為Mr.T 搞到我廚房咁鬼樣，
我先會打爛隻碗，所以都係要佢賠!
至於其他野就當做利息啦!!
我廚房一直堅持只用黑或白既廚具 ......
不過依兩個茄子色既湯碗顏色實在太吸引嘞!!
仲有依盞床頭燈，我一見到就志在必得!
心中盤算必要時我會洗出我既殺手鐧 - 累地!!
靚嗎?
我自己就覺得好靚~ 好靚~ 好靚~
好鍾意! 好鍾意!! 好鍾意!!!
買完IKEA 轉戰Dobbies Garden Centre Braehead......
就佢啦! 大小適中整整齊齊~ ♥
仲未拆掂喎! 最後一站TK Maxx......
賠返比我既enamel 薄餅焗盆~
利息1: 靚靚燕子玻璃樽 ♥
利息2: 靚靚Cath Kidston 抹塵布 ♥
依2件利息都貴過賠比我既薄餅焗盆，
我係咪好有潛質做大耳窿呢? 哇哈哈~~~~~
但我絕對係一個有情有義既大耳窿!
既然賠償咗咁就一筆勾銷啦~
買餸返屋企煮返餐久違既三餸晚餐慰勞吓Mr.T!
(不過無時間煲湯.......)
依餐係今年煮比Mr.T 食既第一餐!
Mr.T 話成2個幾月無食過我煮既野，
連佢至憎既菜都好掛住喎!! 哈哈~~~
所以依餐由佢發版決定食咩餸......
叫Mr.T 發版，豬扒實無走雞!
仲有滑滑蒸水蛋~
you left for 6 weeks or something like that? I left for 4 days last time. When i came back, i saw scrambled egg on the stove (i think my husband tried to toss the pan while cooking the egg), and some spilled pasta sauce on the kitchen floor. Love all your new purchases!
回覆刪除[版主回覆02/22/2012 04:58:58]men......=_="
哈哈！！上次我去澳州旅游，回来后也大概像你这种情况！！我今早也去了狂T K Maxx,看到新来了一批 Le Creuset 粉红色的厨具，想问你那种煲可以直接拿去煲东西？
回覆刪除[版主回覆02/22/2012 04:58:17]果d係stoneware 來，係放焗爐架，唔可以煲野~
床頭燈好靚!!! 不過Mr. T 既破壞力都幾高wor!!!
回覆刪除[版主回覆02/22/2012 04:57:41]我唸我再遲d返來，成個屋企比佢拆咗都似!
嘩 個廚房又真係反轉得幾嚴重咁哦 !
回覆刪除[版主回覆02/22/2012 04:55:56]一路執一路仲有驚喜呀! =_="
盞床頭燈我見過紫色都好靚....不過冇買到
回覆刪除而家見到妳盞床頭燈真係好靚呀~~我又心思思想買!
我都鍾意Cath Kidston既野架^^
[版主回覆02/21/2012 23:50:33]盞燈有紫色咁靚? 唸都唸到會好靚喎~ 不過我會喺睡房睇書，紫色燈光唔好....=P
唔好意思，我真係一路睇一路係咁笑，連仙人掌都搞成咁真係好慘情....
回覆刪除[版主回覆02/21/2012 23:47:07]總之就一言難盡啦.....=_="
[Ghosy Lei回覆02/21/2012 23:41:37]我上年12月返左鄉下三兩日，老公煮完公仔麵都有洗碗，只係冇掉過垃圾，d外賣盒塞哂入垃圾筒咁囉...
嚇?Mr.T用焗盤做咩?焗pizza?
回覆刪除你見到個廚房咁樣,有無鬧Mr.T啊?如果係我,我唸我會尖叫
[版主回覆02/22/2012 04:55:18]點鬼知佢? 大概係外賣pizza 食剩想焗返熱啩.....
無鬧佢~ 我不嬲都知佢係唔識做家務，比我服侍慣嘛! XDDDD
Hi V,
回覆刪除盞床頭燈真係好靚呀! ~~I love it very much.
Peggy
[PEGGY回覆02/22/2012 13:09:26]Oh really, I will go to check check... It's so lovely
Thanks.
Peggy
[版主回覆02/22/2012 04:53:13]香港宜家應該都有呢! ^^
個廚房下次唔通要列為禁地先得...... 不過賠償有理!
回覆刪除[版主回覆02/22/2012 07:23:24]我以前自己返香港會叫佢返6299屋企食飯唔好搞我個廚房架! 但今次6299都返咗香港.......=_="
证名您平时实在太重mr t la, 正所谓饭来张口,物都吴知 or say I don't know ,千错万错 都系你错ah, (just joking), mr t 系好鬼幸福,有时物都吴知系几好呢, 您话系吴系?ha ha 你买野保常吓好鬼正常呀, 平行吓心理,
回覆刪除[kamay回覆02/23/2012 09:15:53]我实话我 hand 有d 问题,我林您保得好d(有时拖地呀,洗washroom呀都用lee招),我 choice 您真系我人生的最大的good decision 等筹等等,劲赞不绝,等老公口服心服飘飘然吴记得佐好开心走鬼佐自己去做,哈哈最後用口吴使用手,不过这招用得多我老公醒目左,话其实您到得的,您又好又叻又靓,吴好睇少自已呀(学我),醒左吴仲我计, 我地成日讲笑,您寸下我,我又霖下您,日子好开心好快过,仲要成曰林计 and train 下dEQ.
[版主回覆02/22/2012 20:54:47]比我老公见到实话学吓人啦 </// 咁妳叫妳老公整爆3條西褲比妳補啦!
[kamay回覆02/22/2012 09:27:14]so sweet ah, d sweet 都feel 到我红眼仔呀, so sweet 的老婆, 比我老公见到实话学吓人啦, 吴怪得mr.t so锡您啦
[版主回覆02/22/2012 07:22:19]我平時照顧得Mr.T 太好 <//// 好多人都係咁講! 哈哈~~~~
其實我無講既係...屋企仲多咗3條Mr.T 爆咗呔既西褲等住我補.....=_="
矮瓜色既湯碗真係好靚呀, 我都心郁郁去ikea睇睇先得, 檯燈充當然掂啦啦隊, 妳d taste不嬲我都buy架! 妳蒸既水蛋勁多蔥花, 妳自己種定買架?
回覆刪除[版主回覆02/22/2012 20:52:52]矮瓜色湯碗好平架咋! 計返大約港紙10蚊隻咋~ 快d去IKEA 逛吓啦!!
我d蔥係買架! 依度買蔥全部都剪短過，要快d食哂，如果唔係好快就唔香架嘞! 而且我好鍾意食蔥，所以落勁多囉!
我個個禮拜都追你既 posts, 今次應該喺我第一次留言.
回覆刪除你盞床頭燈好靚呀, 我搬屋個時都有買 :)
[版主回覆02/22/2012 20:48:07]妳好啊Kaman! 多謝妳支持 + 留言啊~
盞床頭燈真係好靚好靚，而且又唔貴，正!!
Mr. T破壞力的確驚人
回覆刪除[版主回覆02/22/2012 20:46:16]靚野唔好比佢用，重要野唔好過佢手!
所以屋企點可以無女人呢
回覆刪除[版主回覆02/22/2012 20:45:37]實在講得太啱嘞!
個rosemary好慘呢......
回覆刪除我都想種ar,係咪好易種ga ja?
種完可以拎黎焗野食,hehe
[版主回覆02/22/2012 23:33:41]其實rosemary 真係好易種架，亦唔洗點打理，可想而知Mr.T 破壞力幾勁.....春天仲會開d好靚既紫色小花~
係呀~ 我種來食架，所以放喺廚房窗台!
盞床頭燈 is so pretty! And the things you got back from your husband is well worth it! I bet V now knows not to touch yourself when you are gone. I do feel bad for the rosemary, is it not savable?
回覆刪除[版主回覆02/23/2012 18:27:14]Thanks an! love the lamp~ it's so pretty and not expensive at all!
i didnt try to save the rosemary this time, cos i tried last time and it didnt work....well got an excuse to buy a new one!
好鍾意棵心玨仙人掌呀, 希望佢早日渡過危險期啦 !! 我廚房係禁區黎架, 有次老公要煎牛排俾我食, 之後好似打完扙咁呀, 怕怕 ~~
回覆刪除[版主回覆02/23/2012 18:21:56]我都好鍾意個心心仙人掌，我都好希望佢會好返，因為IKEA 成日都無貨，如果佢屎咗就算Mr.T 肯賠都未必買得返!
基本上除咗幫我包垃圾攞去倒、或者一d簡單如斟茶攞野既工作之外，我係唔會比Mr.T 喺我個廚房進行任何有關煮食既活動 - 叮叮除外! 因為我係微波爐白痴來.....
若果比我見到間屋攪成咁,我可能會嚇傻咗.
回覆刪除新買嘅rosemary好靚喎,希望佢會健康生長啦!
若果比我見到間屋攪成咁,我可能會比佢嚇傻咗^^
回覆刪除新買嘅rosamary好靚喎,希望佢在妳家健康生長!
[版主回覆02/24/2012 19:34:30]我唔會比Mr.T 嚇傻，同佢一齊咁多年，大約都知佢咩料......不過有返到來見到咁既樣都有少少沮喪......!!
Thank you elaine~ 我都希望今次依棵rosemary 可以長命d!