除咗d污糟衫之外，我大部份行李仲未郁過!
之前都講過Mr.T 反轉成間屋，尤其係我個寶貝廚房......
一不做二不休，既然都係要執，咁就執得徹底d啦!
仲有就係......
返到來見到先醒起返香港前買返咗依咋野!
由book 機票到返香港間短短幾日，
都未有時間寫blog 記低......
Icing 唧花咀 (左); 玫瑰 + 康乃馨Fondant 糖花模 (右)
左邊果盒唧花咀我睇過示範，超易用又多花款!
搵日得閒試比大家睇!!
心型醬碟
基本上我唔會放過任何心型既廚具，尤其係白色! ♥
11cm 迷你蛋糕模
之前買過一個cheap 野，不過可能太cheap 得滯，
焗出來蛋糕唔夠圓仲邊高邊低......
依個Kuhn Rikon 話哂都係名牌，用料仲好好呢!
印度咖喱碟
未試過煮印度咖喱，買隻碟來鼓勵吓自己煮! (藉口~
)
矽膠烘焙墊
上次買過1張幾好用，特別買多張~
依個比較特別......
係用來整蘇格蘭特產shortbread (牛油酥餅)既陶泥焗盆~
上面既花紋係thistle (薊);
而薊係蘇格蘭既國花來架!
整出來既shortbread 一定好有特色呢!!
以上果咋都係返香港前買落既;
而香港帶返來果咋執都未執過，
又有以下依咋......
春裝新裙仔1條 ♥
韓國面膜
雖然喺香港帶咗大咋我的美麗日記返來，有排都用唔哂，
不過見到依隻韓國面膜又心思思好想試!
韓國hand mask
護膚一定要護埋對手!
依d反正遲早都要用!
好可愛既高跟鞋lip gloss~ ♥
用來做fondant 糖花既海綿板~
之前見過幾次覺得會有用已經好想買，
不過2塊海綿要成舊水港紙實在未免太搵笨嘞!
一直都唔捨得買，亦曾經唸過搵塊滑鼠墊來代替，
可惜而家d滑鼠墊太鬼薄......
點知由香港返來就比我喺TK Maxx 見到£3.99!
我d錢真係易賺!!
韓國面膜係英國買定係??
回覆刪除[版主回覆02/20/2012 16:24:31]喺英國買，Home Bargains~
以前好鍾意食shortbread,而家驚肥唔敢食...哈哈
回覆刪除高跟鞋lip gloss好可愛^^
[版主回覆02/20/2012 16:23:58]我都OK 鍾意食shortbread...雖然唔係話好鍾意，但好鍾意牛油香味! =)
請問個陶泥焗盆貴唔貴, 有冇得on-line討購? 我諗我奶奶會鍾意...
回覆刪除[版主回覆02/20/2012 16:22:32]個焗盆我係返香港前(2個月前)買架，唔好意思我真係唔記得幾錢啊! 但一定唔貴 - 因為貴的話我唔會買! 哈哈~~~
Amazon 有得賣啊: http://www.amazon.co.uk/s/ref=nb_sb_noss_1?url=search-alias=kitchen&field-keywords=Shortbread%20Mould&x=12&y=23
快D開工整餅啦 :)
回覆刪除[版主回覆02/20/2012 16:13:30]仍在大掃除中! 香港返來d行李完全未郁過咁滯....未有時間整餅住啊~ =_="
我都係唔會放過任何心型的餐具架:p
回覆刪除[版主回覆02/20/2012 16:12:07]尋日喺IKEA 見到個粉紅心心兜...不過我放棄咗 - 因為個心型唔靚~ =P
個陶泥焗盆真係好靚, 好期待焗出黎會係什麼樣子...
回覆刪除[版主回覆02/21/2012 20:30:30]我都好想快d玩吓佢! 等我搞掂個廚房我就開工焗shortbread~ ^^
買到心頭好多好 ^^
回覆刪除[版主回覆02/22/2012 04:52:13]還可以啦! ^^
護膚一定要護埋對手! 呢樣真係好重要，我D手紋好勁，用左好多唔同的
回覆刪除Hand cream 效果都係一般，呢款Hand mask好用嗎？
[版主回覆02/22/2012 04:51:33]唔知啊~ 仲未用過.....=P