但剛過去既weekend 我同Mr.T 食咗2餐好味又滿足既!
星期六(2月18日)去Hilton 食自助餐補祝情人節~
其實當晚食物選擇明顯少咗!
唔知同酒店當晚有婚宴舉行有無關係呢?
不過是晚舊舊燒牛肉都係粉紅色，片片都又軟又滑又juicy~~~ ♥
結果我一口氣吞咗4大塊! 大滿足~~~
見多咗部雪糕機，平時唔好甜既我都想食杯軟雪糕~
不過Mr.T 幫我唧到杯雪糕好核突......
雖然除咗燒牛肉出色到爆哂燈之外，其他野水準都麻麻，
不過依餐有情人陪伴好滿足啊!
第二朝本想去IKEA 食早餐，不過去到早餐啱啱賣完......
咁就改食lunch 啦!
記憶中好似只喺IKEA 食過早餐，好似無試過食午餐.....!!?!
Mr.T 既IKEA招牌肉丸、薯條 + 完全無芝士味既芝士包;
我既Duck Confit (法式油封鴨腿)、沙律 + 乾爭爭又唔香既蒜蓉包~
好耐無去過IKEA，真係估唔到竟然有Duck Confit!
而且仲係好好味既呢!
雖然睇佢個樣好似乾爭爭，但其實鴨脾肉非常香軟~
水準唔會低過法國餐廳食到既呢，
下次再去IKEA，一定要再點!!
----------------------------------------------------------------
差d唔記得咗post 埋依張!
上星期日2月12日去食YO!Sushi~
慶祝我終於飲完中藥，可以食生冷野嘞!
破哂紀錄 - 31碟!!
你同 Ｍｒ Ｔ 永遠都係咁 ｓｗｅｅｔ．．．
回覆刪除真係好．．！！
有時 ｉｋｅａ ｄ 嘢食都唔錯．．．
[版主回覆02/22/2012 12:03:42]之前多數食佢地d又平又好食既早餐，估唔到午餐都咁正! =)
Hi V,
回覆刪除31 碟 ????!!! 食左2 個鐘呀?...好飽呀!!
[版主回覆02/22/2012 12:02:40]唔係呀~ 好似唔知1個鐘定個半鐘咋，總之無2個鐘啦!
31碟係我 + 老公2個人食! XDDD 不過依餐我食得多過佢~ =P
好奇怪...我呢邊嘅Hilton無Buffet食...勁jealous!
回覆刪除Oh~件蒜蓉包好似好乾好硬喎!
[版主回覆02/22/2012 12:01:13]我地依邊都唔係間間Hilton 有得食架! 要5星先有~
件蒜蓉包真係好唔掂! 最奇怪係聞落好香，但食落竟然完全無蒜蓉香味! (係咪好難想像呢? 不過個包真係咁樣.......)
差唔多lunch睇見你d相好餓
回覆刪除[版主回覆02/22/2012 20:41:52]我而家睇到相都好肚餓! 不過今日初一要食齋....
Sweet sweet with you hon hon !
回覆刪除Take care,
Peggy
[版主回覆02/22/2012 20:40:50]Thank you Peggy!
我想像到喎~因為我飲過一D水果味茶包...好香藍莓味...不過味道只不過係一般茶味
回覆刪除[版主回覆02/22/2012 20:40:30]一般茶味都好過假味吖! 啱啱又買咗盒洋人茉莉茶包，聞落好清香，飲落似香精......XP
31碟真係好勁呀
回覆刪除[版主回覆02/22/2012 20:35:46]我同Mr.T 兩個人食既! 不過依餐我食得多過佢~ ^^
勁呀！31碟，話時話，你老公好似瘦咗！
回覆刪除勁呀！31碟，話時話，你老公好似瘦咗！
回覆刪除[版主回覆02/22/2012 20:44:23]係呀~ 佢喺Birmingham 出trip 我又返咗香港咁耐，少咗煮飯比佢食嘛!
個雪糕咁ge =0=
回覆刪除你個buffet好似得好少野食咁ge??
[版主回覆02/22/2012 23:29:28]英國食buffet 係咁架嘞! 唔似得香港咁架~
個雪糕係Mr.T 唧得衰.....
燒牛肉好正呀!!
回覆刪除我鍾意妳件衫^^
[版主回覆02/22/2012 23:28:15]果晚個燒牛肉直情係完美~~~~
果件係一件貼身長冷衫來，可以當裙著架!
等我都試試個鴨肶先.
回覆刪除[版主回覆02/23/2012 23:46:21]真係好正! 見到餐牌有就點來試吓，但其實無預到咁好味~
我相信你個胃嘅黑洞依然存在 .... 4 大塊燒牛肉 .... 31 碟Sushi .... 勁呀 ^0^
回覆刪除[版主回覆02/24/2012 20:04:55]4大塊厚切燒牛肉係我既; 不過31碟壽司係我同Mr.T 2個人，但依餐我食得多過佢呢!
好正~
回覆刪除