佢叫做"大榮華二世"，英文名"Big Fortune the 2nd"~
叫得佢做"二世"，咁即係原本有個"
大榮華一世"啦......
佢就係"大榮華一世"，不過佢已經喺我返香港時歸咗天!
享年......大約6個月命仔左右~
不過今次唔關Mr.T 事喎，
我返香港時，Mr.T 喺Birmingham，
所以我地託朋友代為照顧富貴榮華......
Anyway，富貴又點可以無咗榮華呢?
從朋友處接咗大富 + 大貴返來後，
我就去pet shop 物色新一任既大榮華~
原本我睇中咗另一條橙紅色會打喊路既凸眼金魚，
可惜細心一睇，發現佢左邊有反腮!
最後選中咗依條小鐵包金~
黑背金身好有型架!
不過佢條尾好短，游起上來有少少蠢相，但細細粒好cute 呢~~~~
新來既大榮華二世，比大榮華一世合群......
一落缸就同大富大貴埋咗堆非常融洽!
至於大富......
同大貴仍然好龍精虎猛，食得又疴得!
講到影相，始終都係大貴最識擺pose~
為咗歡迎大榮華二世，我仲買咗棵新水草放入豪宅!
(啱啱先發現左邊盆舊水草無咗朵白花......
)
大貴識擺POSE係幾好....下次叫佢笑埋就更GOOD....HHHEEE~~
回覆刪除[版主回覆02/28/2012 21:00:57]叫佢笑咁高難度!!?!?!
係唔係隻虎又傻左呢 呢排我都唔見係update呀 激死我啦
回覆刪除[版主回覆02/28/2012 21:00:33]好似係~
Hi V女,妳好,又係我呀,想請教一下,缸魚妳有冇用汽泵養佢架,因為我都考慮緊想養一缸魚係屋企呀,唔知需要啲乜嘢技巧呢,請賜教
回覆刪除[版主回覆02/28/2012 20:59:09]不過如果妳養得多、大條或妳養既係熱帶魚，就一定要氣泵 + 濾水! 而且要事先準備 - 買好缸、氣泵 + 濾水器，用清水洗淨個缸，set 好哂氣泵 + 濾水器，開住至少24小時後先好放魚落缸!
[版主回覆02/28/2012 20:56:02]我無用氣泵亦無濾水 - 因為我養得少 + 金魚細條! 而且我有2棵水草，會製造到氧氣~
視乎妳養咩魚 + 養幾多啦! 如果妳好似我咁只養3條好細既金魚，妳都可以好似我咁唔洗氣泵 + 濾水~ 天氣唔熱既話一星期換一次水，每次連污糟野抽走半缸水，再加返乾淨水 (乾淨水 = 換水前一晚用容器盛起儲存既水!) 香港既夏天一星期就最少要換2次水;
2至3日先餵一次魚! 魚唔知飽，你餵幾多佢地都照食，餵太多魚魚會飽死，而且會容易濁水~
you have so much love for your fish!
回覆刪除[版主回覆02/28/2012 20:45:09]i have lots of love for all my pets!
過年時唔知係咪凍得太犀利，我缸金魚全部!
回覆刪除[版主回覆02/28/2012 20:44:42]唔關事~ 金魚係唔怕凍既，熱帶魚先怕凍! 我依邊落雪都係咁養~
妳影到佢地好靚仔
回覆刪除[版主回覆02/29/2012 08:51:43]Thank you Andrea! 不過都要佢地真係靚仔我先影到佢地靚仔喎~
Nice picture.. Like postcard!
回覆刪除Peggy
[版主回覆03/01/2012 00:34:56]Thank you Peggy!
養金魚唔駛用氣(用電嗰隻)嗎 ?
回覆刪除[版主回覆03/02/2012 00:18:34]金魚細條、養得少、缸夠大...只要乎合依3個條件就唔需要用氣泵 + 濾水~ 而且加咗水草會製造天氧氣~
可能太凍所以...你有冇用暖管呀???
回覆刪除[版主回覆03/02/2012 00:16:47]熱帶魚先要用暖管，金魚唔洗用架!
好可愛呀! Happy everyday!
回覆刪除[版主回覆03/02/2012 20:16:38]Thank you wtm! 我都覺得佢地好可愛呢~
晚安呀好朋友, 多謝你喔! wtm246祝你週日愉快, 日日咁開心!
回覆刪除金魚長大了很多 ~
回覆刪除[版主回覆03/06/2012 00:45:08]唔係呀~ 基本上無乜點大條到啊!
我媽度D 金魚...好得人驚..由2節手指咁大..養到1隻手掌咁大...
回覆刪除好恐佈..我都唔明可以大成咁, 佢本身係8蚊一條...
依家個SIZE 係 成舊水一條個D...
[版主回覆03/06/2012 00:44:31]咩得人驚呀? 証明auntie 識養魚keep 得好呀! 應該養咗好多年咯喎~
養魚我地叫識識地咋，咪成日有咩事都問人
回覆刪除下過我媽係可以坐係度成粒鐘睇下佢地有無唔妥…仲一日三餐架，想唔肥都難
[版主回覆03/08/2012 09:50:42]其實養金魚應該用虎紋琵琶或金點豹做垃圾魚! 清道夫比較適合養熱帶魚用~
[allie回覆03/06/2012 11:35:39]因為個陣仲有條清道夫,佢勁大食, 如果佢食唔飽就係 啄D金魚呀...有一條就係咁俾佢啄死左...
所以個期要密密餵..俾條清道夫, 家陣淨返個條又食慣左小食多餐..一見我媽行埋去就會HIGH架喇..但我行埋去係無事
[版主回覆03/06/2012 03:12:27]坐喺度成粒睇魚 </// 我都得架! 不過我唔會齋睇，我係會一邊睇一邊影相!
一日三餐? 咪制呀~ 三日一餐就差唔多!! 魚唔知飽妳餵幾多佢地都照食，食太多谷爆咗魚卜既話，條魚一係死一係反肚來游水架!!
大貴真係識搶鏡喎 XDDD
回覆刪除[版主回覆03/08/2012 09:48:17]直情成個超模咁款!