Tropeiro (巴西燒烤) - 2012年2月25日

 

上星期開始徹底大掃除我個廚房，

雖然平時keep 住有清潔好乾淨，
但連日來仔細徹底地去清理係一件咁艱巨既工程來!
辛苦到開始有幻覺 - 覺得自己個廚房大咗好多...... 

Mr.T weekend 由Birmingham 返來，

不過廚房正處於七國咁亂既狀態，無可能煮到飯! 

上星期去緊食buffet，渣車經過見到依間Tropeiro - 巴西燒烤~

星期六晚(2月25日)決定去試吓! 



記得幾年前香港都有幾間巴西燒烤，

初期水準不俗，我都帶過食肉怪獸Mr.T 去食，

不過後來水準越來越差，而家好似已經執哂? 



一去到枱發現格局同果時香港既巴西燒烤格局差不多，

(不過Tropeiro 裝修靚好多! )枱上每個人座位都有一個過咗膠既紙牌...... 

一面紅色;

一面綠色~

有食過巴西燒烤既人都應該知道紙牌點用架嘞!

(係讓gaucho chefs 知道你仲要唔要用烤肉~ )

屁股都未坐暖，烤肉已經巴巴聲不停送上!


真係要讚一讚佢地! 

當晚係星期六，雖然已剛過咗最忙既晚飯時間前段，

但入座率仍然有95%，
餐廳樓面頗大，所以都有好多客人，

全餐廳只有2位gaucho chefs 負責為客人切肉，

不過每位客人既咀巴都絕無冷場!


依兩位gaucho chefs 即情可以用"專業"來形容! 

餐廳供應10種不同烤肉，

兩位 gaucho chefs 不分枱，每一枱客人都要招呼，
但佢地好清楚每一枱客人已經食咗邊種烤肉，動作快又非常有默契有條理!
P.S. Tropeiro  既做法係先讓每位客人輪流食完哂10種不同烤肉，然後再重新循環~

我覺得依個做法非常好，有系統唔會混亂，客人有機會試勻哂每種烤肉! 



我同Mr.T 試既頭3種烤肉 - 燒豬肋骨、Garlic beef + 香肉豬肉腸......

因為太肚餓掛住食無影到相! 

依個燒全隻羊仔肶勁多rosemary + garlic 香噴噴~ 

齋睇相都知道好juicy! 正~~~~~ 

完美既燒西冷  正~~~~~  

燒雞上肶 - 依個雖然都好香好juicy，

但相比精彩絕輪既燒牛燒羊，稍嫌普通咗少少咯......

燒火腿 - 頭幾啖好好食，唔乾又充滿火腿獨有香味，

不過食多幾啖越來越鹹......

Alcartra - 另一種燒牛肉~

依個係眾多唔同燒牛肉裡面，我認為最好食既!

雖然一d肥肉都無，但肉質juicy tender 到你唔信!! 



我發現2位gaucho chefs 每次切完肉比Mr.T，
都會先將肉反轉去較熟既另一面然後先切比我...... 

我終於鼓起勇氣話我想要生d果邊~

原來佢地話大部份女士都怕生肉怕血水喎!

我唔怕! 咁仲加啱哂我口味~~~~ 

除咗烤肉，出面仲有任攞既沙律 + 熱食bar，

(掛住食無出去巡住來影!)

食物種類雖然無以前香港既巴西燒烤多，

但都係一d"啦間"既巴西口味食物~好似以前香港巴西燒烤竟然有蝦醬通菜炒蜆依d野食...... 

依d我就視為"唔啦間"嘞!

依個黑豆stew 配白飯好好味! 

烤肉完全唔洗等密密送上，

上一塊都未食完，下一塊已經送到你碟上......

10種烤肉，我同Mr.T 只試咗8種就已經反紅牌投降! 

雖然試唔哂10種肉，

不過睇我 + Mr.T 個樣就知依餐幾滿意 + 滿足啦! 



------------------------------------------------------

同場加映......著Mr.T 買比我既新褸~

好看嗎? I love it~