一見到份鮑魚飛機餐，就知道又係V媽媽靚正餸既時候嘞!
我今次返香港時間雖然比較長，不過因為聖誕緊接農曆新年，
2個大假期舖頭都特別忙，所以V媽媽無咩時間煮飯......
但除咗之前大家都睇過果餐冬至飯之外，
V媽媽百忙之中仍然盡量煮咗好多餐讓我大飽口福~ 
美中不足既係我大感冒兼調理身體，幾乎飲足個半月中藥!
飲中藥就緊係要戒口啦 - 連所有煲湯都唔飲得.......
所以今次V媽媽好少煲靚湯啊...... 
2011年12月14日: 雪耳木瓜湯; 乾蔥頭爆雞; 蒸立魚; 香煎曹白鹹魚 + 炒菜心
返到香港第二晚，我已急不及待"累"V媽媽煮飯! 
當時未開始飲中藥，所以木瓜湯可以照飲~ 
平時食鹹魚多數係蒸既，原來煎曹白鹹魚咁香口果喎!
可惜曹白太多骨......
依個乾蔥頭爆雞真係好正好好送飯~
而且煮法仲超簡單，要翻!!
2011年12月18日: 枸杞滾豬肝瘦肉; 乾蔥頭爆雞; 燻蹄; 蒸石斑 + 炒西洋菜
是日食石斑~
其實V媽媽鍾意食魚仔，不過我就鍾意食啖啖肉既大魚! 
2011年12月21日: 煎台式香腸; 蜜糖豆唐芹炒魚鬆; 清蒸鯇魚腩 + 廖孖記腐乳
工展會買既台式香腸~ 不過好鬼熱氣，食完第二日就喉嚨痛......
2012年1月3日: 太X燒肉; 清蒸鯇魚腩; 蒸鹹魚頭 + 清炒豆苗
梅香鹹魚頭香噴噴好食到停唔到口!
不過太X燒肉......始終唔夠永合隆既好食......
2012月1月8日: 素蠔油炆齋; 清炒菜心 + 廖孖記腐乳
不過太X燒肉......始終唔夠永合隆既好食......
2012月1月8日: 素蠔油炆齋; 清炒菜心 + 廖孖記腐乳
是日係農曆十五~
雖然返到香港有好多美食誘惑，
但我仍然堅持初一十五食齋依個習慣，
V爸爸V媽媽都遷就配合我，陪我一齊食! 
V媽媽仲特別買咗2樽唔同牌子既素蠔油來煮齋比我食~
佢話想試吓邊個牌子最好味喎! 
2012年2月1日: 枸杞滾豬潤瘦肉; 梅子排骨; 蜆肉煎蛋 + 蒸波立魚
仍然飲緊中藥唔可以飲煲湯，不過滾湯就照飲~
(好似有少少取巧呢! )
)
依餐飯我破紀錄食咗3碗飯呢!
2012年2月3日: 竹苼魚肚粟米羹; 豉油雞; 蒸石斑; 蜆肉煎蛋; 鮮露蝦 + 炒豆苗
2012年2月3日: 竹苼魚肚粟米羹; 豉油雞; 蒸石斑; 蜆肉煎蛋; 鮮露蝦 + 炒豆苗
是晚夜機返英國嘞......
V媽媽煮咗餐豐富既，食飽先去機場~
V媽媽既蜆肉煎蛋實在太太太好味嘞!!!!!
所以香港食既最後一餐我要求蜆肉煎蛋encore! 
雖然食飽飽先去搭飛機......
不過起飛無耐又到食餐時間!
V媽媽依份愛心鮑魚飛機餐，
為今次香港之行畫上一個完美句號! ♥
大家係咪已經流到成地口水呢?
不過"V媽媽靚正餸2011"仲未完果喎!
壓軸重頭戲係初四龍年開年飯~大家買定口水肩拭目以待啊!!
大家係咪已經流到成地口水呢?
不過"V媽媽靚正餸2011"仲未完果喎!
壓軸重頭戲係初四龍年開年飯~大家買定口水肩拭目以待啊!!
呀V, 見到D愛心靚餸已經流晒口水啦! 食左咁多野有冇重過呀?
回覆刪除[版主回覆02/18/2012 03:01:57]無喎~ 我平日都係食咁多野架啦!
咁多隻鮑魚@@ 你食得哂ga la??
回覆刪除[版主回覆02/18/2012 03:01:35]第二樣未必食得哂，鮑魚就一定得! ;-) 我連份飛機餐都食埋呢~
HI,
回覆刪除睇妳個BLOG已有一段時間, 今日忍唔住要流下口水. >0<
有D好奇.....坐你隔離既乘客見到妳個豐富愛心飛機餐， 會唔會流口水呢?
我就會喇.....哈哈哈!!!
其實每次見妳煮既美食...我已經流左唔少口水喇!!! :)
[版主回覆02/18/2012 03:00:39]你好啊Chung! 歡迎你 + 多謝你支持啊~ ^^
之前坐我隔離既多數係洋人，佢地好多見都未見過鮑魚都唔知咩來~ 不過今次我隔離係位中國人伯伯，佢都有眼金金望住呢! XDDDD
V媽媽嘅餸, 真係淨係睇相都知道 "正"!
回覆刪除[版主回覆02/18/2012 02:58:27]Thank you Cherrie! ^^
Mrs T, 你有冇其他兄弟姊妹㗎？妳媽咪係咪最錫妳呢？
回覆刪除[版主回覆02/18/2012 02:57:42]我係獨女來，無兄弟姊妹架! ^^ 所以V爸爸V媽媽最鍚都係我~ =)
Mrs T, 妳屋企好似係客家人嚟㗎。我有冇記錯？妳們好鐘意食魚喎，仲落好多蔥 tim, 好味！
回覆刪除[版主回覆02/18/2012 02:56:31]V爸爸係客家人唔鍾意食魚，不過V媽媽係廣東人，我似佢一樣鍾意食魚! ^^ 係呀我地食魚要落好多好多蔥架~~~
鮑魚飛機餐，好正wo.....， 你吃的时后，旁边的人有看着你吃吗？？
回覆刪除[版主回覆02/18/2012 03:03:10]成日都唔記得問妳...妳有無收到我寄比妳盒野?
[版主回覆02/18/2012 02:54:38]往時坐我隔離多數係洋人，佢地唔知依d好野只係咁二望吓; 不過今次坐我隔離係一位中國人伯伯，佢都有眼金金....XDDD
我依家食住杯麵，「再一次」睇住你啲鮑魚囉 LoL
回覆刪除[版主回覆02/18/2012 02:52:38]用鮑魚...相來送杯麵，妳好豪呀阿四! XDDDD
鮑魚可以帶上飛機????
回覆刪除[版主回覆02/18/2012 02:51:57]可以~ 有相為証! 只要妳落機前食哂就得嘞!!
我都系在外国生活,每次回港我妈都系cook d 我最钟意食的野比我食 ,睇完你d食物, 世界上最好永远系妈妈
回覆刪除[版主回覆02/18/2012 02:50:58]無錯~ 媽媽永遠是最好的! ^^
以上菜式已口水流哂啦, 仲有正野來緊, 攞定個盆裝口水先!
回覆刪除[版主回覆02/18/2012 02:49:51]因住水淹啊! XDDDDD
每次睇V媽媽靚正餸都流口水~
回覆刪除我俾過媽咪睇佢都話正呢!!
[版主回覆02/18/2012 02:49:28]heehee~ thank you Andrea! ^^
Oh~流曬囗水啦!期待更正嘅開年飯
回覆刪除[版主回覆02/18/2012 02:49:16]post 咗開年飯嘞! ^^
[版主回覆02/18/2012 02:49:04]post 咗開年飯嘞! ^^
好期待V媽媽的美食廚房...... d 住家小菜仍然是咁吸引呀! :)
回覆刪除[版主回覆02/18/2012 02:47:38]Thank you Sarah! ^^
豐富到吖?飽魚凍食好吃嗎?空姐見到流哂口水啦~~~
回覆刪除[版主回覆02/18/2012 02:47:10]鮑魚點整都好食架啦! 我上次喺工展會食果d係冰鎮既呢~ ^^ 空姐係鬼婆，鬼婆唔識依d好野! ;-)
V媽專登為妳炮製~鮑魚飛機餐，太吸引啦!
回覆刪除[版主回覆02/18/2012 02:45:59]Thank you 雀后! ^^
其實做父母最開心就是可以同子女一齊. 無論點辛苦都希望可以煮一餐好餸同仔女一齊食飯.到你為人父母就可以感受到.
回覆刪除[版主回覆02/18/2012 02:45:21]我而家都感受到呀，我做仔女都成日想同父母一齊架!
[版主回覆02/18/2012 02:44:17]我而家都感受到呀，我做仔女都成日想同父母一齊架!
我已經好忙喇............抺地中^^
回覆刪除[版主回覆02/18/2012 02:42:27]抹完先好睇下一篇喎，如果唔係水淹呀! XDDD
咁多靚餸睇見都流晒口水啦 !!
回覆刪除[版主回覆02/18/2012 02:41:33]Thanks Katie! ^^
Oh ... 流口水ing, 要快d 搵番亞仔十幾年前嘅口水肩出黎至得喇 ^0^
回覆刪除[版主回覆02/18/2012 02:27:08]買過條啦! XDDD
真係在家千日好... 等我到時都攞家阿B條bibs 出黎先... =p
回覆刪除[版主回覆02/18/2012 02:24:53]咁英國同香港都係我既家! ^^
睇到口水流，半夜三更，惟有開包薯片頂住先！
回覆刪除[版主回覆02/18/2012 02:20:50]哈哈~ 薯片頂唔頂得住呀? XDDD
終於等到啦~~~~V媽媽真係好勁!
回覆刪除[版主回覆02/18/2012 06:44:21]代V媽媽多謝B媽讚賞! ^^
係香港過關d 海關check 唔到咩??
回覆刪除[版主回覆02/18/2012 06:41:50]我係光明正大話比香港海關知我手袋裡面有盒食物，亦會攞埋出來過X ray~ 只要盒食物無汁就可以!
原來飲中藥要戒咁多野, 妳睇個間中醫店, 有埋張資料, 好暢盡 ^^
回覆刪除V媽媽靚餸, 睇到我口水流呀 ^0^
[版主回覆02/18/2012 20:37:58]依張係藥單背面來架，印明哂想呃V媽媽都唔得.....=P 不過乜鬼都唔食得真係好麻煩! T_T
我最怕睇中醫就係因為耍戒口><
回覆刪除[版主回覆02/20/2012 16:41:11]唉....我今次返香港食得一盒莎莉蛋糕咋! =(
wow, 追番你dpost, 睇到流口水呀!!!
回覆刪除[版主回覆02/20/2012 16:40:41]我打緊依兩篇V媽媽靚正餸時個肚咕咕叫呢! =P
V 媽媽好勁呀!!! 唔得閒都煮咁多正餸... 一地口水呀!!!
回覆刪除你個飛機餐一定招成機人妒忌 XPPP
[版主回覆02/21/2012 01:09:18]我好日唔返吓香港嘛~ 雖然香港好多野食，但唔及V媽媽親手煮啊!! =P
我個飛機餐...唔知有無招人忌呀，招人古怪眼光就有! (話之佢地!!) XDDDD
Hi V,
回覆刪除Wow! Great trip with wonderful meal everyday.
睇到流口水呀 !
Yeah.
Peggy
[版主回覆02/21/2012 20:23:41]heehee~~~ thank you Peggy! ^^
真係好正好正 !
回覆刪除[版主回覆02/22/2012 05:02:51]Thank you 其美! ^^
睇到都肚餓呀! Have a nice day!
回覆刪除[版主回覆02/22/2012 05:02:26]Thank you wtm! ^^