孖T返香港2008: 帝京自助餐既"蛇姦" (11月11日)

11月11日~ 去完大佛食完齋...我地就即刻趕返旺角帝京酒店食自助餐~

 是晚出席既有V媽媽、V爸爸、賴老師(花名~ 其實係V姨丈!) 美馨auntie, 妙蘭auntie...當然仲有我 + 老公啦!

 蟹腳 + 螺~ 我至愛! (不過我只付責食~ V媽媽幫我剝肉...)

 片皮鴨~ (V媽媽攞比我 + 老公幫我包! 哇哈哈~~~~~ )

 超細隻既豉油皇乳鴿 + 脆皮乳豬~

 依碟野緊係我老公架啦!

 每晚打鐘幾次既"火焰雪山"~ 老公話: 都冇火既!!!

 仲係廿幾度已經有蛇羹食!

"蛇姦"既故事......

當晚我 + 老公去到酒店，除咗V姨丈仲未到之外，其他人已經到齊 + 已經食緊~ 其實我地冇遲到，只係佢地為食早到咗!

我地一到，V媽媽就話我知: 阿妹~ 有"蛇姦"呀! 快d整返碗啦~~~~ 其他人一頭霧水，只有我 + V媽媽知道"蛇姦"既典故...

事源好多年前 (耐到唔記得幾多年前...)，當時我仲未來英國讀書，成日都會陪V媽媽買餸~ 有次買完餸同V媽媽去食蛇羹，食食吓之際...突然有個口音非常唔正既大陸女人滿頭大汗走入來，一路抹汗...都未坐低就好大聲咁嗌: 老闆~ 唔該比碗大"蛇姦"吖!!!!

唔係歧視佢~ 不過當時我忍唔住噴咗出來....... (sorry 啊~~~)

估唔到咁耐既事V媽媽仲記得~~~~