V媽媽習慣唔食lunch，所以陪佢食飯，就要食晚飯~ V媽媽超鍾意食韓國燒烤~ 鍾意食既程度 - 去親邊間都會變熟客! (咁你地唸吓佢食得幾密!!!) 所以依晚就同佢去佢至鍾意既銅鑼灣"金羅寶"食飯!
雖然V媽媽唔食lunch...但我 + 老公都要食! 所以同V媽媽食飯前，我地晏晝去咗食"元氣"~ 我同老公都好鍾意食"元氣"，返親香港都一定會去幾次~ 不過今次覺得水準差咗! 但同英國相比......已經超水準~~~~~
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
斬吓眼又到晚飯時間嘞!
V媽媽住九龍...咁點解要山長水遠過海來銅鑼灣食??? 原因好簡單 - "金羅寶"真係好好味!!!
依餐雖然只得我地3個人，但牛仔骨、牛肉 + 雞肉，全部都來個double! V媽媽 + 老公只集中食肉~ 但我依個"飯人"一定要有飯先食到餸，所以我食咗2碗飯......
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
食完飯送V媽媽返屋企，我 + 老公2個夜鬼就去咗旺角行街~ 經過旺角"銀龍茶餐廳"......
於是我地入咗去茶餐廳裡面......
可能老公本來睇死我食唔哂...到我食哂碗魚皮餃 + 奶油多時，佢望住我話: Honhon~~~ 妳好恐怖呀.....
(大家彼此彼此啦!!!
)
嘩～你地好食得呀！不過食得是福
回覆刪除你地有無磅過重呀?（有無重到?）
[版主回覆11/26/2008 21:45:00]老公有冇重到我就唔知...不過我就有!
返香港前我99磅; 返香港一星期後磅過一次 - 107磅~ 啱啱磅過 - 102磅.......可能返到來冇野食品?!?!??
hahahaha!! 同我年頭返香港差得遠啦!
回覆刪除臨返英國前幾晚, 我又係去金羅寶(很巧合呢!)食晚飯, 食完行過板前壽司, 見到竟然唔駛等位, 於是我就立即扯住老公入去, 我老公即話: "唔係話?你仲食得落?" 當然食得落啦! hee hee!!
食完壽司, 行過南記粉麵, 整多碗酸辣腩仔米線, 那時老公已經 O 哂咀!!!
跟住就當然是再戰翠華: 西多士、紅豆冰同埋焗雞批, 此時我老公已經五體投地!
事後老公見到親戚朋友都講返果晚他見到的"奇景", 不過其他人的反應多數是:"聽見就想嘔!"
[版主回覆11/26/2008 21:47:00]咁我細粒嘛! 平時100磅都唔夠~ 我老公成日話我個肚裡面有個黑洞........
ps: V媽媽好有貴氣啊!
回覆刪除返到嚟居然輕左～？可能沖晒出大海
回覆刪除[版主回覆11/26/2008 22:34:00]所以老公話我個肚入面有個黑洞~~~
魚皮餃呀!My favourite呀!
回覆刪除[版主回覆11/27/2008 18:35:00]我由細到大都好鍾意魚皮餃~
打邊爐必備!
可惜依度冇得賣.......
HI !
回覆刪除我係第一次留言, 但巳經睇左你個blog半年啦!
我都有去金羅寶, 因為我個fd都係vip.
[版主回覆11/27/2008 18:40:00]睇咗半年先第一次留言???? (講笑~~~ )
咁我個blog 都係開咗半年多dd啫~ 以後多d留言喎!
金羅寶VIP 每次去有9折~ 不過我覺得折咗都係貴!
我都勁like韓國泡菜呀!金羅寶我未去過,tst既新羅寶就成日去.......不過巧貴呀!!!
回覆刪除[版主回覆11/27/2008 18:45:00]鍾意泡菜就不如自己試吓整啦! 容易整又好味~ 我係咁二話比V媽媽知大概做法，佢已經拿拿淋整咗2箱比朋友，個個都話好味道!
反而我冇試過新羅寶喎! (唔知2間有冇關係呢????) V媽媽金羅寶VIP 每次去有9折~ 不過折咗都仲係貴......(不過好好食囉!!!)
真係好勁呀你,
回覆刪除你老公好搞笑,話你個肚有黑洞,
[版主回覆11/29/2008 00:06:00]我食飽後個"胃腩"會凸架! 但半個鐘左右就會平返~ 所以老公話裡面有個黑洞囉~~~
韓國燒烤,好耐冇食過,因為有個陰影......, 以前就成日食,就咁睇,十七碟壽司唔算係好多,我同我BF好多時都會食多過哩個份量,仲已經係就住嚟食, 不過再睇埋你全日都係食,食,食嘅行程就認真係唔得了!!
回覆刪除[版主回覆11/29/2008 00:09:00]咩野韓國燒烤陰影呀? 講來聽吓~~~~
係呀~ 2個人17碟唔多架! 我試過最高紀錄自己1個食14碟~ 不復當年咯~~~~
WAWAWA..好多呀.. 同意你話元氣水準差左, 同埋....金羅寶都係..岩岩開個陣好味D架...
回覆刪除[版主回覆11/29/2008 00:12:00]我唔知金羅寶啱啱開時係點喎~ 我地以前去旺角東大門架! 食到同老闆熟哂~ 裡面爆哂棚我地冇book 枱...但去到都唔洗等位~ 但老闆返咗韓國轉咗手後，V媽媽就轉咗去金羅寶~~~
個陰影就係,有一次,我同bf去灣仔漢XX食韓國燒烤,上到去坐低之後,已經覺得周身唔聚財,愈坐就愈覺得唔妥,仲隱約聞到一陣臭味,不過由於爆場嘅關係,所以冇枱可換..... 之後嗰陣臭味愈嚟愈濃烈,不過我問我bf,佢又話聞唔到,但係嗰陣臭味,好似死老鼠咁,已經完全地影響我食慾,所以我已經停筷不動,只係等我bf快啲食完就嗱嗱聲埋單走人.....
回覆刪除食食吓,我bf話佢隻腳嘅小腿位置覺得好痕,第一時間我已經feel到係咩事,不過我唔想開口中,就只係叫佢撥吓條褲,但佢都話唔得,好似有啲嘢喺入面咁,我就已經驚到想死,我bf企咗起身,隻腳好用力咁dum地,dum咗幾次之後,就dum咗隻中型小強出嚟,
我當時已經想大叫,但係我bf叫我冷靜啲,我就話揾人嚟投訴,佢又話唔駛唔好,喺嗰刻我已經六神無主,[因為我生平最驚就係小強!]最不可思議嘅係,我bf竟然好似冇事發生咁,坐返低繼續慢慢食,佢話俾晒錢,我又唔食佢又唔食,好唔抵喎,頂....我就唯有催佢食埋枱面嗰嗰少少嘢拿拿林埋單走人!
[版主回覆11/29/2008 01:04:00]咁嚇驚??? 妳BF忍耐力都相當勁喎!!!!
不過妳又唔好因為一次唔好既經歷而放棄韓國燒烤依種美食!!!! 金羅寶好乾淨架~~~~ 阿Rain 食完返咗韓國都冇事!! 好正架~~~~
點解你可以食咁多野0架?!
回覆刪除[版主回覆12/04/2008 17:59:00]因為我超級為食囉!
你真係好鬼食得吓..我一路睇尼篇BLOG,一路忍唔住笑出黎...
回覆刪除[版主回覆12/09/2008 16:14:00]終於見到好蒲頭嘞!!!
喺香港有機會食就緊係要食盡d啦! 返咗來有好多野都冇得食......
how come u eat so much and u're so skinny!! My mum always says she doesn't understand how come people in hong kong eat so much and still stay so thin. I think they walk a lot?? But not only do you have a big appetite, you digest your food fast too! I also want to be like that ar!!!
回覆刪除[版主回覆05/10/2009 01:07:00]i really dont know why! maybe as my mum said - 我用油浸都唔會肥!?!??!?