孖T返香港2008: 豐富既翠華早餐、山頂蠟像館 & 阿甘蝦餐廳 (11月13日)

有日無意中喺天星碼頭既遊客中心，攞到一張山頂阿甘蝦餐廳既廣告小冊子，成間餐廳係用電影"Forrest Gump" (阿甘正傳)做主題~ "Forrest Gump" 係我 + 老公非常鍾意既一套戲! 雖然我地已有DVD，但每次電視重播，我地都會照睇~~~ 所以我地特登搵日上山頂去試依間餐廳......

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
上山頂之前，我地先去翠華食咗餐非常豐富既早餐......

 A餐有鮑魚，咁我緊係要A餐啦!!!! 老公就要咗B餐~~~

 廿幾蚊個早餐來講，鮑魚絲唔算少嘞! 而且係真鮑魚來(罐頭)~ 湯底亦非常好味!!!

 老公既B餐~ 我唔係太鍾意沙爹...不過個炒蛋幾好味!!! 老公比咗一大半我~~~

 我份A餐其實仲有煎雙蛋 + 牛油餐包...

不過我想食腸仔，所以另外叫多份煎蛋腸仔;

老公要食炸魚皮;

我又好鍾意翠華既鯊魚骨湯魚蛋~ 所以又要咗個"淨魚蛋走片"............

 最後搞到成枱都係野!!!!

 開餐...全部搞掂哂~~~ 超滿足!!!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

 食飽飽後就去中環搭纜車上山頂~~~

雖然我地之前都去山頂蠟像館幾次，不過我地都買咗纜車票連蠟像館既優惠套票，所以第一站先去蠟像館......

 即係咁...佢做過乜都係佢自己既事! 之但係我個人就覺得搵佢企喺蠟像館守門口做生招牌...好似唔係太適合!!!

 朗郎~ 點解你好似瘦咗咁多既?????

 似唔似我老公捉到我"偷食"...收埋把刀喺後面?????

 我至愛既Dr. Hannibal Lecter~~~

太多白痴相...不能盡錄~~~~

 蠟像館裡面既新野...唔知係暫時定長期都有既"活命狂奔"~ 類似"海洋公園哈羅喂" - 真人扮鬼 + 癲佬出來嚇你! 不過好短既啫，約2、3分鐘左右啦...但我尖叫足全程~~~~

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

 去完蠟像館，我地就去試阿甘蝦餐廳 (Bubba Gump Shrimp Company)~

話明係阿甘正傳既主題餐廳，餐廳裡面到處都搵到電影既蹤影; 裡面裝潢充滿住電影背景既"Alabama feel" - 阿甘出生地~

 每張枱上面都有個鐵牌 - 當你需要叫侍應生來既時候，就將鐵牌拮去紅色既"Stop Forrest Stop"......

 冇需要叫人來時，就要拮去藍色"Run Forrest Run"果頁~~~~

(註: "Run Forrest Run!" 係"阿甘正傳"戲裡面一句常用既對白~ 有睇過"阿甘正傳"既人，一定會好熟悉!)

 甜品餐牌做成乒乓球拍狀，亦係電影裡面既情節~

 餐廳裡面掛咗好多電影劇照...

 亦到處可見電影裡面一d令觀眾印象比較深刻既對白~ 不過點解我見唔到"Life is like a box of chocolates...you never know what you're gonna get." 既呢??????

 老公話太熱食唔落，所以叫咗個"Popcorn Shrimp"~ 即係沾咗炸粉漿既炸蝦! (我覺得麻麻地~ 因為炸得太乾!)

 而我就叫咗個招牌野~ 唔記得叫咩名，不過有好多種唔同方法煮既蝦，裝喺一隻用咭紙摺出來既捕蝦船裡面~ 好cute!

我果份其實係一個頭盤來，幾大份~ 應該係比幾個人分來食既! 裡面有......

 炸蝦波 + 麵包糠炸蝦...

 亦有老公叫咗既"Popcorn Shrimp"......

 第三種炸蝦 + 洋蔥圈......

 我最鍾意既反而係白烚既凍蝦~

2份蝦餐都有好多種唔同既醬汁e.g. 甜辣醬、蛋黃醬...等等~~~

 不過我最鍾意既係，每張枱上都有，放喺鐵桶入面果枝類似Tabasco 既辣汁!!!

另外我地要咗2杯smoothie~ 1杯叫做"Jenny's Favourite"; 另1杯叫做"Run Forrest Run"...

 
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

"阿甘蝦餐廳"係一間相當美式既餐廳~ 好老實..講好食，我唔會話好食! 但唔難食，只係普普通通，而且幾貴! (不過喺遊客地方預咗~~) 但餐廳本身幾得意，我地又係戲既fans，總算係一個唔錯既experience!!!