親戚來訪好鬼攰....幾日冇煮飯，尋晚同老公一路食住印度外賣，一路睇老公喺香港帶返來既"烏冬廚神"VCD~ 之前我都知日本最出名既烏冬係產自"讚岐"，不過就唔知點解? 睇完"烏冬廚神"之後........都唔知點解!!!
只係知道讚岐依個地方有大約900間烏冬製麵廠 / 麵店! (好西利啊~~ 東京都只係得500間麥當勞左右......) 戲有少少誇張...感覺亦好擦美國鞋 - 因為主角真正理想係希望令全世界人開心笑，所以選擇到美國做棟篤笑，而唔想承計爸爸既烏冬麵店......(美國 = 全世界?????
) 不過我就發現原來烏冬係有好多種食法既~~~~~ 有咩"冷中熱"、"冷中冷"、"熱中冷"、"熱中熱"......不過戲裡面全部都有解釋到係乜!!!!! 烏冬既配料亦有好多....好叉燒、天婦羅、炸墨魚鬚....但我就最鍾意乜都唔加 - 只有湯加生雞蛋 + 蔥花既簡單食法! 早幾日我都買咗兩包讚岐烏冬~ 等我搵日試吓整先! (不過去邊度搵可以生食既雞蛋呢???
好似話係因為讚岐啲水質好,所以做出嚟啲烏冬特別靚啲啩,嗱,講錯咗,多多包涵,唔好怪我好唔好?!
回覆刪除[版主回覆07/07/2008 16:07:00]唔知喎....我都話套戲裡面都冇講到咯~ 如果係因為水質好，戲應該會提到依點!
尋晚又做咗傻婆,前日喺吉吉島買咗好多烏冬返嚟,就諗住開一種煮嚟食,點知開咗隻原來係凍食[即係冷面]嘅, 買嗰陣因為趕住走都冇為意嗰隻係凍定熱食,又淨係得日文, 開咗之後都唔知點煮,但係見到兩包鰹魚汁咁嘅嘢 ,就知到自己買錯咗la ,我仲整好晒其他餸先知 ,就唯有.....當撈面食,不過好彩都幾好食~~
回覆刪除原來鑽岐烏冬之所以出名,係因為啲面條嘅厚度同食落口感嘅煙"un"度,[有啲無厘頭],總之都係手工技術嗰啲原因啦,呵呵呵,同水質真係冇乜關係嘅~~~
http://travel.atnext.com/index.php?fuseaction=ThemeTravel.ViewArticle&issueID=20080325&articleID=10903668
哩個煮法好特別~~ http://ladies.sina.com.hk/cgi-bin/nw/show.cgi/180/4/1/212520/1.html
下面嗰間或者你返嚟就試吓,又或者我試完就話你知好唔好食~ http://www.wellmartholdings.com/chi%20version/akamaru.html
[版主回覆07/08/2008 16:24:00]等我返來時試吓依間!
烏冬我都係鍾意食熱辣辣既~ 基本上粉麵我都係鍾意熱既多! 我連soba 冷麵都唔食既.....