2年前既7月31日，係我 + T生英國既婚禮 - 只係擺酒~ 之後喺香港正式註冊! 話就話係我地既婚禮，但實質上係老公屋企人既俾面派對! 而且我完全唔鍾意當日既髮、化妝......老外攝影師又影到我好鬼矮!!!! 果日既天氣同今日完全一樣 - 天陰陰但好彩又冇落雨喎........
當日實況~~~~ (由於老外攝影師用既係菲林相機...加上我又懶得攞個scanner 出來! 所以唯有用相機影返幅相出來.........)
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
基本上我只當當日係香港婚禮既rehearsal，對我 + 老公來講意義不大! 所以我同老公約好咗 - 7月31日我地唔會慶祝! 雖然我唔重視依個英國婚禮，不過當日有愛我鍚我既屋企人 + 好朋友在場，我自覺我真係好幸福!
恭喜哂 ! 2週年紀念啦 , 跟住仲有5 ,10 ,12 , 20 , 25 , 40 , 50......週年 , 到時你繼續回味你的人生了 !
回覆刪除[版主回覆08/01/2008 15:22:00]多謝~ 不過其實都唔算係2週年.....因為我地正式既結婚週年其實係10月! 到時至會正式慶祝~ 不過有少少感慨時間過得咁鬼快.......
恭喜 恭喜
回覆刪除[版主回覆08/01/2008 15:23:00]Thank you~
恭喜 恭喜
回覆刪除你個頭又真係....有D攪笑..XDDDDDDDDDD
回覆刪除[版主回覆08/01/2008 15:33:00]因為果朝好大風，間酒店喺河邊吹到超應!! 我個頭紗又拖地既，一出酒店門口已經比風扯到頭都甩咁滯.......
恭喜恭喜!祝你地永遠幸福恩愛!呢輯相又真係有d失色,你應該係靚絕架嘛!!呢輯相反映唔到你既真貌!!
回覆刪除[版主回覆08/01/2008 15:41:00]多謝~ 多謝~
其實頭 + 尾2張相係朋友影既相! 只中間果3張係攝影師既相，因為係菲林相，又一早入哂相簿........用數碼相機再影返出來效果唔係好好，所以求其影3張就算~~~
恭喜哂..係我生日既日子係你地結婚週年...真係好特別...哈
回覆刪除[版主回覆08/01/2008 15:36:00]Thank you! 原來係妳生日呀...又會咁鬼啱既! 生日快樂喎!!! 不過只係我地既"預習結婚週年"啫~ 我地正式結婚週年係10月~~~
恭喜恭喜
回覆刪除[版主回覆08/01/2008 15:42:00]多謝~ 多謝~
恭喜恭喜 祝永遠恩愛
回覆刪除[版主回覆08/01/2008 15:43:00]多謝~ 大家咁話!
下年會唔會多個人同你地慶祝呢?
回覆刪除[版主回覆08/01/2008 18:09:00]唔知呢? 哈哈~~~~ 我地今年都冇 慶祝!
(Empty)
回覆刪除[版主回覆08/01/2008 18:09:00]Thank you~
& Mr. T
回覆刪除[版主回覆08/04/2008 15:55:00]Thank you~ thank you!
hehe...忘記左恭喜你tim....
回覆刪除但有個問題想問問你..點解要返香港註冊而吾係英國註冊既...吾通香港註冊可以保障女方果邊多d...係吾係咁呀
[版主回覆08/11/2008 20:57:00]多謝~
我喺香港註冊有幾個原因:
(1) 要喺英國註冊，我要申請個結婚批准，但依個批准只可以結婚日期前6星期先可以申請，唔可以早過6星期去申請! 仲有申請咗又唔知佢批唔批! 咁我仲應唔應該訂定酒席酒店花車蛋糕呢? 如果等佢批咗先訂野，又唔知來唔來得切? 如果唔批我又咪要撻訂????
(2) 我係獨女~ 屋企人又喺哂香港...我 + 所有屋企人都想親眼睇住我出嫁~~~
(3) 數碼港行禮靚過英國所有註冊處多多聲! (直情冇得比~~~)
(4) 反正香港都要擺酒......
就係因為咁嘞!
我都係來了一個比面派對...
回覆刪除[版主回覆09/13/2008 00:05:00]唉~~~~ 同病相憐! 不過好彩我仲有個香港婚禮......
但今次到我屋企話哂事 - 我係獨女，個個覺得得一次機會辦喜事，唔聽佢地果套唔罷休果隻..... 不過已經比起英國依次自由得多!!!