二人世界的三餸一湯 - 7月9日 (附食譜)

西洋菜羅漢果煲粟米; 自製脆皮燒肉; 午餐肉炒蛋 & 蒜茸炒莧菜

繼"自製蜜汁叉燒"之後，又一燒味之作，登登登....."脆皮燒肉"~~~~ 其實想整咗好鬼耐，不過一直都懶，尋晚終於都的起心肝!!! 食譜係來自N年前壹週刊 + 英國名廚師Rick Stein 既中國燒肉食譜結合而成! 

(冇錯~ Rick Stein 雖然係英國人，但佢係有料之人，所以做法 + 材料都好正宗~~) 燒肉既成績非常好!!  同街買到既味道冇乜分別，但冇街果d咁鬼鹹~~~ 而且又唔難整，好開心!!!! 下次想試吓整燒鴨........

不過豬皮有d部份好脆，有d部份就有少少韌......唔通我用針拮豬皮時拮得唔均勻? 還是我焗爐溫度唔均勻呢?? 等我遲吓再整多次睇吓先!!! 不過總括來講，我好滿意 - 因為我冇唸過第一次就可以整到咁好味!! (叉燒我都試咗好多次先得出最後結果咋~~~) 老公就好似平時咁 - 好鍾意 + 成碟食鬼哂!!!

西洋菜羅漢果煲粟米食譜click here~

自製脆皮燒肉食譜click here~

午餐肉炒蛋食譜click here~