叫做"懶人Version"係因為咖喱汁係用現成罐頭~
1. 牛腩原塊飛水10分鐘左右，取出瀝乾切大件 + 拌以少許生抽醃一會。
2. 薯仔批皮切角，用油略炒至金黃色盛起備用。
3. 爆香薑數片，加入牛腩炒片刻至開始轉色，倒入罐頭咖喱汁1罐兜勻略炒至香。
4. 加水至覆蓋牛腩面，加入薯仔角和放入冰糖 (隨個人口味~) 一塊拌勻。
5. 蓋上煲蓋，用小火炆2小時至牛腩肉稔即成。
P.S. 罐頭咖喱汁本唔需要加水，但因為炆牛腩要比較長時間~ 炆過程中亦要繼續留意，間中搞拌+ 隨時加水!
另外~ 上碟前可加入少許淡奶，可令咖喱汁更香滑!
就算係懶人Version 睇都知好食喇 ! 我要添多碗白飯 ~ 唔該 !
回覆刪除[版主回覆07/16/2008 07:57:00]自便添多幾碗喎!
招呼唔到~~~
嘩～好似好好 ，不過可惜，我唔食牛又唔食羊，真係無福消受
回覆刪除[版主回覆07/16/2008 07:59:00]咁咪整咖喱雞囉! 如果食素既話...又可以整咖喱菜......想點整就點整!!!
我想食咗你
回覆刪除[版主回覆07/16/2008 08:01:00]你想食就要自己整嘞!
我地一水隔天涯~~~~
我老婆整個 D .......跟住 .....結果
回覆刪除[版主回覆07/16/2008 17:47:00]
咁就應該 煮比老婆食啦!
話哂你係周聰師父徒弟~
你煮的餸一定好好味．我都要跟你學嘢！
回覆刪除[版主回覆07/20/2008 03:33:00]多謝! 唔好話跟我學野...我都係跟人學架咋! 得閒大家交流研究吓吖~~~
近尼二星期我都成日煮咖哩..不過我用雞來煮多....牛腩我都好耐無整過...你碟咖哩牛腩真係好鬼正呀.....
回覆刪除[版主回覆07/20/2008 03:30:00]我最近先知道牛腩英文係乜 - 先識得買來煮! 之前只係出街食.......
吾係話...你吾識牛腩英文點講....做乜你吾問你老公呀....
回覆刪除[版主回覆07/21/2008 05:02:00]佢知鬼咩~ 佢淨係識食既啫!!!
唔好話我老公唔知吖...依度如果唔係喺肉店做，我唸都應該冇乜人知!!! 西方人好少食依d部位架，佢地覺得太肥! 所以一般超市冇得賣架~~~~
見到d咖哩牛腩咁"正"，令我諗起清湯牛腩根+白蘿蔔。
回覆刪除我細細個時，亞媽好鍾意整碟頭飯(因為要同d師奶打麻雀)，通常都係雞肶、煎蛋、腸仔、火腿扒。
[版主回覆08/17/2010 20:36:00]我反而未整過清湯牛腩~ 而且我依度買既白蘿蔔都好大條，一次一定用唔哂，老公又唔食白蘿蔔，所以我從來炆牛腩都唔用蘿蔔~
碟頭飯我偷懶時會整架! 有時白汁雞皇，有時火腿煎蛋.....雖然我好鍾意食腸仔，不過依度無廚師腸賣!
hello! i want to cook this dish tomorrow. can you please tell me where i can buy the can of curry sauce that you used? thanks!
回覆刪除[版主回覆11/20/2010 08:06:00]it was Yeo's canned curry sauce! you can find it in most chinese supermarkets.