2008年7月28日星期一

The Dark Knight...睇咗嘞! (7月25日)


Wow! It's the best Batman movie ever!!!! 好彩早一個星期上網book 咗飛,如果唔係星期五晚去到IMAX 唔洗旨意買到飛!!! 因為太多人,所以唔准隔位坐,咁大間IMAX 都爆滿喎! 我地早成半個鐘去排隊,都要坐最前第三行..........


戲上前Heath Ledger 因為overdose 死咗,個個都讚佢做"Joker" 做得點好點精彩...我之前就冇睇過Heath Ledger 任何戲,而且我覺得讚得佢咁誇張,會唔會係因為佢死咗先至咁overrated 呀??? 本來我只係一心睇Christian Bale 點有型靚仔法...但Heath Ledger 一出場已經steal the show!!!! 真係好surprised 佢可以做"Joker" 做到咁出色咁evil! 






 Christian Bale 係好有型靚仔,亦係咁多個Batman 既最佳人選! 唔係Christian Bale 演得唔好,只係好可惜始終"Batman" 唔夠"Joker" 依個character 咁有potential......所以我唸就算Heath Ledger 冇死到,d人都會一樣將套戲focus 哂喺佢身上,佢一定會紅得起! 唉~ 得果28歲真係好可惜........

除咗Christian Bale 既有型靚仔 + Heath Ledger 既演技之外,成套戲情節好緊湊~ 由一開場果場打劫戲開始,一直緊張刺激到完場!!! 中間完全冇任何冷場 + 廁所位; 爆炸場面 + 特技出色 - 喺IMAX 睇超正!! 尤其炸醫院果場戲; 其他大配角個個都係好戲之人 - Michael Caine, Morgan Freeman, Gary Oldman.......個人 + 老公都覺得係Batman 系列中最好既一套!

不過"The Dark Knight" 仍有一d瑕疵.........

(1) Rachel 太醜樣! 有冇搞錯? 點解會搵Maggie Gyllenhaal 架??????? Rachel 係美貌 + 智慧並重既角色...智慧依part 佢都handle 到,但美貌佢真係一d都冇喎! 連老公睇睇吓都頂唔順同我講:oh my god~ she's ugly! 阿Rachel 咁既款會同時令Bruce Wayne + Harvey Dent 傾心,好冇說服力啫........

(2) 香港夜景拍得唔夠靚! 唔知關唔關天氣事呢??? 有少少失望......

(3) 陳冠希果幾秒側面或背脊 - 完全可有可無! 我 + 老公笑得仲耐過佢出場~~ 之前爆响哂口話有份做Batman...我都有少少"燉"佢尷尬........


5 則留言:

  1. 我想睇The Mummy:Tomb of the Dragon Emperor
    [版主回覆07/29/2008 15:48:00]我一向都唔係好鍾意Mummy 系列! 不過今次有李連杰,我可能都會睇~~~~ 但可能等DVD 出咗先租來睇!

    回覆刪除
  2. 哈哈~~我靜靜講俾你知,我連冇陳X希份做都唔知,頭先我睇完你篇網誌,仲猛咁問嗰位人兄乜有阿陳生份做咩?????你話連我喺香港嘅就算唔知都認得佢.都可以完全睇唔出,我諗除咗佢啲fans之外都冇乜人會留意到佢嘅存在~~
    另外我最不滿嘅就係嗰個又要行頭位但又似碌葛嘅警長先生,佢個樣真係[一二三四五六[?]<<自己諗]到冇人有,睇見佢個樣就把幾火,完全破壞晒香港警隊嘅形像[<<<雖然唔知有冇形像?],唉~~都唔知點解會俾佢做?又唔知個導演點解會收貨?佢嗰個表情係好完美咁演繹出戇居,而絕唔係驚訝囉~睇到我想死==
    至於個女主角靚唔靚.....其實我唔知哩個女角係應該靚定唔靚嘅?又以為好似蜘蛛俠嘅女主角咁,唔係屬於靚女,所以都冇諗到點解會用佢?!只係到後來阿小丑先生讚到佢係一名超級索女,我就即時心諗"唔係下話???咁都算係超級美人???"
    至於做小丑嗰位就真係好搶戲,不過我個人來講就覺得佢啲戲份就略嫌多咗少少,唔知係咪連個導演都覺得佢好好戲,所以就俾咗咁多戲份佢呢?可能佢就係cut 晒陳生嗰啲無聊戲,索性俾多啲小丑嘅大家睇好過!
    [版主回覆07/29/2008 16:04:00]其實我真係好唔明...成日睇壹週又係咁 - 講到Kirsten Dunst (蜘蛛俠女主角) 好醜樣! 我又覺得唔係喎,雖然佢唔係話好好靚,但佢係屬於果類靚女果類囉,而且Kirsten Dunst 自然好多!!!! 但阿Rachel 唔知係咪知自己個樣完全唔掂,成日扭籮柚懶sexy....真係好恐怖!!!
    我又唔覺得小丑戲份太多喎~ 話哂都係佢遺作嘛! 而事實上佢既演出真係出神入化!!! 我估有可能因為Heath Ledger 死咗,所以再edit 過成套戲,成3粒鐘差唔多啦!
    我估Batman 應該係今年暑假檔期最收得既戲! 套戲又有份喺香港拍,我係香港人都覺得好光榮!
     

    回覆刪除
  3. 咁身為一個香港人有一套荷里活大製作嚟香港取景又真係好光榮架,不過我有少少私心,就係想佢影兩個主角喺天橋上面對話嗰陣,就應該將多啲周圍嘅人物景觀攝埋入鏡,令到場戲就算唔駛講都知喺係香港拍嘅先得架,始終老蘭因為佢哋而無條件休業吖嘛~~
    小丑嘅戲係多咗少少啫,因為我想睇多啲個男主角嘅內心戲,成日都覺得講得唔係幾夠深入,可能係我唔瞭解蝙蝠俠哩套戲嘅背景,所以就覺得唔夠瞭解個batman點解要做batman?? ~~
    至於個女主角......我覺得佢好刻意咁營造一種"我好索"嘅姿態,好似你講嘅一樣,如果佢自然啲反而好少少囉,不過始終哩個角色係一個大美人,就點都唔輪到佢係架嘞~~
    蜘蛈俠嘅女主角,我覺得佢....有啲似男人....,不過都算順眼唔乞人憎,外間嘅言論又係太刻薄嘅,到今時今日都唔放過佢,其實佢做戲幾好,都好投入,令人有共嗚,可以彌補不足,同埋有人話俾我知,佢哩個角色本身都唔係靚女,就更加唔明仲有啲咩好批評?而我覺得最難以置信嘅靚女女主角,就"Mi2"莫屬,絶對諗極唔明點解會揾佢????
    [版主回覆07/30/2008 16:36:00]Hollywood 製作 + 香港製作既分別就喺依度嘞 - 香港去外國拍外景,會慌死人地唔知係外國咁款! 吓吓影好鬼多外國landmark 去話比觀眾知: 睇吓~ 我地真係去果度拍架! 可能始終製作費用唔可以同Hollywood 相比,所以有種"一場來到唔好嘥"既想法.....但出來效果就令人感覺相當刻意 + 小家!!!
    Hollywood 製作就抱住"錢多唔怕亂咁洗"! 所以喺香港拍成個星期,但戲出來就10分鐘都唔知有冇? 我覺得香港果部份既戲已足夠嘞,淨係幢IFC 都夠照啦!!! 只覺得唯獨美中不足係拍得維港夜景唔夠靚啫.....不過唔知佢地係咪特登既呢 - 因為Batman 都係屬於比較dark 既戲,唔知係咪要襯返成個感覺統一d呢????
    No la~ Joker 既戲一d都唔多呀! Batman 既背景已經喺上一套"Batman Begins"度講得清清楚楚啦! "Batman Begins" 只集中講Batman 一個; 而今集既大壞蛋就係Joker 嘛! 妳想知既野,可以睇返"Batman Begins"~~~
    上次"Batman Begins" 係Katie Holmes (Tom Cruise 老婆) 做Rachel 既,雖然我都覺得佢唔係好正,但點都好過Maggie Gyllenhaal 多多聲囉! 就算Rachel 角色冇講到明係靚女,可以同時令Bruce Wayne + Harvey Dent 打生打死,點都冇可能係咁既樣啦! 況且係拍戲,又係靚仔大明星大製作~ 點講 佢地都應該搵個靚既 Rachel! 如果唔係...Batman 都唔一定要靚仔吖! 一樣可以好 麻 甩架~~~~
    Spiderman 既Mary Jane 就唔同~ 佢係鄰家女孩果隻,而Peter Parker 本身又係nerd 一個,所以我覺得搵Kirsten Dunst 好啱呀! 所以雖然2個都係英雄故事,但故事背景 + style 完全唔同!!!

    回覆刪除
  4. Heath Ledger 就係同 JG 拍 BBM 果位男主角 , 佢真係演得好好 , 而呢套我覺得佢 Over 左
     
    至於 Maggie Gyllenhaal, 就係 JG 家姐呢 ! 她的內心戲不錯 , 可惜太少戲份 如果搵埋 JG 演羅賓就正啦 !
     
    http://hk.myblog.yahoo.com/jakew1980/article?new=1&mid=935
    [版主回覆07/23/2010 20:27:00]我知道JG 同HL一齊拍BBM! 不過我無睇到,一來我對個題材無咩興趣; 二來試過太多次只因為華裔導演拍西戲,雷聲大雨點小不外如是!
     
    其實Batman 係根據原來漫畫藍本來拍既,若對漫畫原著有少少認識,就唔覺得HL演來過火,反而覺得傳神!
     
    我亦知道MG係Jake 姐姐,不過個人真係認為佢外表唔適合演Rachel! 正如無可能搵Mr. Bean 去演Batman 一樣.......
     
     

    回覆刪除
  5. 我第一次對BBM既題材都有抗拒, 竟然係媽咪遊說去睇, 點知第二次睇完就不能自拔喇!
    http://hk.myblog.yahoo.com/wonka-1971/article?mid=18
    呢個作者都有同感呢!
    http://hk.myblog.yahoo.com/wonka-1971/article?mid=6236&prev=6272&next=6201
    [版主回覆07/26/2010 21:02:00]我根本唔係抗拒同性戀題材! in fact 我認識好多同性戀既朋友~ 只係我本身一向對情情搭搭既戲無咩興趣 - 男女都唔鍾意! 加上李安非我特別欣賞既導演 - 毫無疑問李安made 我地中國人好proud,但個人覺得係好迎合洋人果隻,所以我先無興趣睇BBM~
     
     

    回覆刪除

Related Posts Plugin for WordPress, Blogger...