泰式燒豬頸肉

依個係N年前壹週刊搵返來既食譜~ 個人唔太鍾意小茴香既味道! 我又發現網上好多其他泰式燒豬頸肉既食譜 - 係冇用小茴香既........而原來食譜個汁完全唔掂 - 一d "泰味"都冇!!!! 所以我自己求其撈咗個汁出來 - 好味過佢果個多多聲!  不過依度比較難買到豬頸肉~ 所以我用普通梅頭肉代替! 但做法一樣......

1. 豬頸肉洗淨瀝乾，用調味料醃好備用。(最好醃過夜~)

2. 調味料: 黑胡椒粉1茶匙、小茴香粉1茶匙、蜜糖4茶匙、鹽1/4茶匙、蒜茸和薑茸各2茶匙、魚露2湯匙和青檸汁1個拌勻。(調味料既材料 + 份量經我"改善"過! )

3. 將肉放入預熱焗爐 (200C)內焗20至30分鐘至熟 (一半時間反轉~)，取出切片上碟。

4. 沾汁 (自創): 紅辣椒1隻切碎、莞茜1大棵切碎、魚露2湯匙、青檸汁半個、蜜糖1茶匙、香茅醬1茶匙和清水4湯匙拌勻。