二人世界的簡單晚餐 - 7月23日 (附食譜)

羅宋湯螺絲意粉 & 香草蒜茸包

終於都一雪我多年既恥辱嘞!!!!!! 我唸最少有7、8年前......


事源7、8年前既我，放暑假時返香港曾經喺大家樂飲過一個好好飲既羅宋湯，返到英國想自己試吓煲......而我記得喺大家樂時，我喺湯裡面搵到塊連皮檸檬~ 所以我覺得羅宋湯係要用檸檬去煲既 - 仲要係連皮既檸檬!!!! 而且當時仲好懶醒咁唸 - 我個碗咁細都有一塊...咁我個煲咁大......就放半個落去啦!!!

 當時屋企冇internet，所有材料只係靠估~ 所以冇用香葉; 加上冇搞清楚Tomato Paste + Tomato Puree 既分別，而用咗Tomato Puree.........

結果...湯煲出來好香!

但一飲 ---------- 點解咁苦既???? 同老公研究咗一輪，最終發現真兇係檸檬皮!!! 最後唯有成煲倒鬼咗~~~~~~ 羅宋湯可以話係我煮餸生涯既一個奇恥大辱!!!  

 由於挫敗感太強烈~~ 我一直冇再嘗試過煲羅宋湯.................
光陰似箭~~~~ 06年返香港籌備婚禮，帶老公去茶餐廳食早餐，有個早餐通粉用羅宋湯做湯底~ 老公第一次品嚐真正既羅宋湯~~~ (因為老公唔識睇中文 + 唔敢講中文，所以佢之前完全冇去過茶餐廳!!!) anyway 老公大讚羅宋湯好味!!! 跟住......

老公: 妳識唔識整依個湯?

我: .......我整過啦.........

老公: 整過?? 幾時整架????

我: 咪苦果煲囉...........

雖然老公好鐘意羅宋湯~ 但我陰影太大...finally 2年多後既尋日，我終於下定決心

 再試多一次! 而今次我做足哂準備 + 買啱哂材料 - 超市本來只有Tomato Puree， 但又我比我喺World Food corner 搵到

 Tomato Paste 喎! 呵呵~~
今次羅宋湯好成功~ 湯一滾起就成屋都係"大家樂"既味道~ 往後既7月23日應該定為"羅宋湯光復日"來大肆慶祝!!!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

本來一早準備好尋晚既餐單，除咗羅宋湯 + 香草蒜茸包之外，仲有隻燒雞! 但尋日天氣突然熱到救命~~~

完全唔想食肉! 所以隻雞冇整到仲喺雪櫃~~~~ 臨時改咗做羅宋湯螺絲粉.....................

 香草蒜茸包既Garlic Butter 係自製既~ 但麵包就係買尋日超市新鮮出爐既! (真係廢鬼事自己焗~)

至於個香草蒜茸牛油做法超級簡單.....只切碎蒜頭 + 香草 (我用咗新鮮parsley~)

 因為我懶~ 所以用依個........

 再將蒜茸 + 香草加入已放室溫軟化咗既牛油拌勻~

 平均咁搽係每片麵包上，放入焗爐2至3分鐘就搞掂嘞~~~~~~~~羅宋湯食譜click here~