羅宋湯

1. 牛腩原塊飛水10分鐘左右，取出瀝乾去肥 + 切丁備用。

2. 用少許油爆香牛腩丁，加一半清水進鍋，待水大滾後改用小火慢慢熬牛腩。

3. 熬牛腩時，將西芹、紅蘿蔔、洋蔥 + 青椒洗淨瀝乾切粒。用橄欖油燒熱油鑊，並加入月桂葉數片(又名香葉; 即Bay Leaves~)，放入蔬菜粒一齊炒香，再加入蕃茄膏(Tomato Paste) 同炒，炒香茄膏後將所有材料和餘下一半的清水加入牛腩內同煲。

4. 再加入蕃茄粒、紅菜頭粒 (Beetroot)、薯仔粒和牛湯精1粒同煲至大滾，轉小火煲2小時。

5. 湯煲至一半時間，加入椰菜再煲餘下時間。最後用新鮮檸檬汁、糖、鹽和胡椒粉調味即成。

Note:

(a) 牛腩可視乎個人喜好用牛骨或牛尾代替~ 唔食牛肉既人，亦可用豬肉或豬骨代替;

(b) 煮羅宋湯要用茄膏 - Tomato Paste~ 小心同Tomato Puree 混淆! Tomato Puree 係較Paste 冇咁濃稠既version;

(c) 如用牛湯精粒可轉為牛肉清湯~ 如用牛肉清湯可卓量減少清水份量。