雞蛋湯烏冬
尋日(7月23日)lunch 又想食湯烏冬~ 但唸唔到有乜配料，不過其實我只係想食"湯"既味道......我唸起早排睇既"烏冬廚神"，戲裡面話要真正咁品嚐烏冬 - 其實只需要湯、烏冬、雞蛋 + 蔥花~ 係咁多! 所以我又學佢地咁整咗碗雞蛋湯烏冬做lunch.......
不過我唸除咗蔥花依部份，其他野同"烏冬廚神"完全唔一樣!!! 戲入面既湯係用鰹魚片 + 昆布餚出來既; 我既係現成濃縮湯底 + 加水，戲既烏冬係即時手打; 我既係即食烏冬，戲係食前打隻生雞蛋落去搞勻來食; 但我屋企有既只係普通超市雞蛋...真係打死我都唔敢用來生食!!!! 唯有煎吓佢先放上湯面啦~~~~ 好有A貨feel..............
英國d雞蛋唔可以生食架? 甘你會唔會煎到個黃都熟晒架? 仲有, 炒滑蛋都唔食得lor??
回覆刪除[版主回覆07/25/2008 22:08:00]唔係完全唔可以~ 但我屋企果d係普通超市cheap 蛋來，我係都要煮過先安樂啫! 我隻煎蛋都唔係全熟既......
只係如果要窩蛋既話，我會買d靚蛋先會囉!
你究竟係唔係人嚟嘅呢??? d 才料間單, 但係你嘅才華就一 d 都會唔間單喇
回覆刪除[版主回覆07/27/2008 17:17:00]我係"烏冬廚神" (A貨既~)!!! 只要識煎蛋 + 有咗果枝湯底 - 人人都做到烏冬廚神!!! (A貨既~~~~~~)
我都買左支豉油嘞....就吾同你果支一樣...佢牌子係"贊岐烏冬豉油"...我未食過呀...但二位靚女食左..就話好好味....不過都係多得你教我..我先識用尼d豉油...所以話呢...黎你個blog..真係學到好多野呀....
回覆刪除[版主回覆07/28/2008 21:47:00]妳果枝係點架? 影張相來睇吓吖! (妳仲未影比我睇個壽司模喎! 唔好以為我唔記得!!! 嘿嘿~~~)
我都買咗枝新牌子~ 因為我果枝已經食鬼哂! 依枝同果枝用法一樣，只係唔同牌子~~~
總之有拖冇欠啦.....
回覆刪除[版主回覆07/30/2008 15:43:00]我怕妳拖拖吓，唔記得點喺回應度貼相咋.....
我試咗枝新野...不過冇第一次咁好味! 今次依枝味比較淡~ 好彩我都買咗枝新既! (第一枝~)