1. 豬扒4塊拍鬆，用胡椒粉、鹽、糖和少許雞粉醃好; 意粉煮熟過冷河瀝乾備用。
2. 洋蔥1/2個切絲; 磨菇約6粒切片;預備三色豆適量。
3. 豬扒拍上一層薄薄麵粉，煎至表面金黃，盛起備用。
4. 調味料: 茄汁4湯匙、糖1 1/2茶匙、鹽1/2茶匙、Mixed Herbs 適量、雞粉少許、生粉2茶匙和清水1 1/2杯拌勻。
4. 油鑊炒香洋蔥絲，放入磨菇片同炒一會，加入調味料拌勻，煮滾後放下豬扒，轉小火煮至豬扒熟透後，再加入三色豆拌勻。
5. 燒熱橄欖油2湯匙，放入已煮好的意粉略炒，用鹽、黑胡椒粉和香草 (optional) 調味上碟。
6. 將煮好的豬扒放在意粉上，淋上煮好的汁即成。
P.S. 除咗意粉之外，依個食譜仲可以配白飯 + 炒飯架~~~~
每次見到你個名 : "成日都好鬼 happy 嘅 Mrs T", 就好羨慕
回覆刪除老公不但靚仔, 仲勁錫你, 又細心, 又浪漫 (見到佢整俾你嘅咭! 嘩! ), 又有錢, 又周身名牌, 又成日週遊列國......
點解你可以咁幸福架??!!!
真係非常非常之羨慕!!!!!!!!!!!!!!!!!!
[版主回覆07/20/2008 03:08:00]哈哈~ Don't be silly! 有乜好羨慕唔羨慕吖~~~ 我個人易滿足嘛!! (不過我地唔係有錢 + 周身名牌喎....)
妳同老公都好登對呀~ 我又夠羨慕妳啦 - 有2個靚囡囡; 仲要妳既外表一d都唔似已經生過2個小朋友!!! 我希望我第日生咗小朋友都好似妳咁~~~~
你又食豬排?????我有個 blog 友,乜鬼都係 ......... 骨湯,茄汁豬排,炸豬腸...........你地唔知係咪 ""穿屎""",咁鬼鍾意係廚房搞 c 棍,仲指明要吞我落肚
回覆刪除[版主回覆07/20/2008 03:13:00]成日食豬扒有2個原因:
1. 豬扒成日有special offer~ 所以我成日買定雪喺硬櫃;
2. 我老公係"豬扒皇"來! 佢超鍾意食豬扒~ 我冇話過你知咩? 嘻嘻~~~ 係咪覺得自己改錯朵呢?? it's too late now! 呵呵~~~
你 e 碟嘢係咪買返喱㗎???淑女唔可以講大話㗎
回覆刪除[版主回覆07/20/2008 03:16:00]雖然我唔係淑女....但我係唔講大話既!!
其實我都係鍾意食豬扒
回覆刪除妳幾時會整焗豬扒飯？
[版主回覆07/21/2008 04:54:00]焗豬扒飯我整過架嘞~ 仲有食譜添!
http://hk.myblog.yahoo.com/veronicams_tsim/article?mid=47
不過果時我仲未開blog 之嘛!