10月28日9.30pm 渣車出發~ 雖然出發前我已經喺屋企食咗野; 一上到車我又即時開始食先前喺Tesco 買既雞翼 + 沙律......
不過經過約6粒鐘車程，到達Luton Airport 泊好車後肚仔又開始餓!
見仲未夠鐘搭巴士......
，好彩都幾好味!
食完野搭咗約45分鐘巴士就到咗倫敦市中心嘞!
喺Madame Tussaud's 蠟像館附近落車，因為我好口渴，所以求其入咗一間咖啡店度買野飲兼睇地圖~
我一入到咖啡店就離遠留意到有條友喺樓梯口撟住手"及"實我......
飲完野 + 睇好地圖，就準備向我地第一個目標地點出發......
登登登櫈~~~~ 就係去Japan Centre 既Toku Restaurant 食lunch 嘞!
不過當我地到達Piccadilly Circus 時......
即時失望到有少少想喊! 因為我已經好鬼肚餓嘞~~~~
不過我記得舊年去倫敦時，Japan Centre 喺Regent Street 另一邊另開咗間超市，於是就過去睇睇間超市仲喺唔喺度......
開餐~~~~~~~~~~~~
闊別一年，再來個我每次必點既Beef Teriyaki Set~ 包味噌湯 + 白飯各一碗!
哇~~~~ 老公個豬扒蛋飯正到吖!!!!
炸過既吉列豬扒上面蓋上一層啱啱好既熱辣辣炒嫩蛋; 豬扒厚得來但鬆軟又juicy......
(睇緊相既你 / 妳想唔想像得到有幾好味呢? 
)
依幾日日日都見好多來自日本既旅行團旅遊巴泊咗喺Toku 外面，我估搬店係要應付越來越多既日本遊客啦!
不過唔知點解我 + 老公都係鍾意以前狹小既店面多d!
但佢地既食物依然係咁有水準! 
先過隔離Japan Centre 超市逛逛......
舊年去依間超市時，超市最後面係一個bakery; 今次去時佢地將原本既bakery 拆咗改為賣家庭用品 + 賣日文書同雜誌 ，唔怪之家品部舊店執咗啦!!
家庭用品款式比舊店少咗好多......不過唔緊要 - 反正主要只係賣香港10蚊店既貨仔，但喺Japan Centre 就賣得貴好多~
不過除咗10蚊店貨仔之外，仲有d貴到離奇既廚具......
(約4105HKD)
究竟會唔會有人買架?
我唸除非我黐咗線啦，否則就算我錢多到無訂洗都唔會買!
Japan Centre 超市貨品花多眼亂~~~~
一直好想試吓梅酒~ 不過Glasgow 中式超市賣既日本梅酒全部都好鬼大樽......
(不過我仲未試......)
都係我地既維他麥精奶好飲好多!!
離開Japan Centre 之後，喺Shaftesbury Avenue 見到間大型廚具店Pages!
緊係要入去睇吓啦!! 間店好大，好多廚具價錢係斷打來計，應該係專做食肆開業生意......
可惜我行行吓人有三急!!
去完洗手間行咗一陣漫畫店不過無收穫~ 於是我地就去酒店check in 嘞......
個支麻油我都有用緊家! 幾香! 不過呢度賣USD$5姐.. 你地幾錢呀? 個 好醜樣既綠茶杯....真係有眼不識泰山啦... 真係唔明佢同$10店個D有咩分別?
回覆刪除[版主回覆11/02/2010 19:21:00]5美金好平喎! 我依邊買要差唔多double!! 不過美國物價一向比英國平就真既~ 枝麻油我仲未試，食哂屋企d cheap 野先! 我暫時食過最好食既麻油係依枝: http://hk.myblog.yahoo.com/veronicams_tsim/article?mid=52462 (都係日本既!)
果隻綠茶杯真係醜到..... 恕我真係唔識欣賞! 我覺得10蚊店貨仔靚好多喎! (哈~ 唔知整依隻杯果位名家知道我地咁評論佢既作品會唔會好傷心呢? )
咁係咪Piccadilly Circus果間以後都唔會再開架嘞?估唔到生開好都會關門大吉!!其實佢地絕對有能力開兩間啦...
回覆刪除哇...d刀同隻杯貴成咁,邊個真係會買架
今次去咁多日一定好開心嘞,等睇妳其他行程
[版主回覆11/02/2010 19:14:00]其實佢地而家間餐廳 + 隔離間超市仍然係Piccadilly Circus架，同一條街，不過搬咗唔同舖位啫! 新餐廳相等於舊既成2至3間咁大，妳估Piccadilly Circus 舖租平咩?
果把刀外型完全唔吸引，隻杯仲加衰! 我話之佢咩名家手藝，真係好想知咩人會買!!!
其實今次唔計星期四晚起程都係去咗2日半之嘛! 倫敦都去到熟哂，主要都係去食野!
支梅酒呢。。之前係日本飲過佢地好似溝左Ｄ桃味氣水俾我地一齊飲，又出乎意料咁好味喎。。 ＪＡＭＩＥ個蠟像。。我真係似為係真人添。
回覆刪除[版主回覆11/02/2010 19:08:00]係呀? 等我試過如果好飲，可以喺Glasgow 買一大樽!
個Jamie 蠟像 離遠睇都還可以既，不過近距離睇實物其實唔係好似~
ＪＡＭＩＥ個蠟像好真呀，我好鍾意佢架~~~
回覆刪除[版主回覆11/02/2010 19:06:00]睇實物其實唔係咁似架咋! 佢而家邊有咁瘦呀?
我對佢無乜好感，但又不至於憎既!
嘩!妳都幾食得喎!
回覆刪除見妳成日都食咁多嘢,但係又瘦蜢蜢,真係羨慕Ｃ我.
做人最幸福就係食極都唔會肥,我就不幸囉.
當然,如果有個咁鍚老婆嘅Mr.T做老公,就更加幸福.
[版主回覆11/02/2010 19:05:00]肥姨~ 我一向都係大食架，不過可能我單骨，所以先唔顯肉，但我最近都重咗磅，返香港前都要收歛吓.......
其實最緊要身體健康! 只要身體健康肥瘦都唔係問題~
嘩 收獲豐富 !!!!!!!!!!! 買住呢的食品先 番黎HK有排買 哈哈 ^^
回覆刪除[版主回覆11/02/2010 19:02:00]今次好小兒科之喎! 上次買得勁d: http://hk.myblog.yahoo.com/veronicams_tsim/article?mid=24401
人在外地, 見到任何中國/日本/韓國超市都會發咗癲咁買買買!!!
回覆刪除[版主回覆11/02/2010 18:59:00]係呀~ 關你叉事呀? 慘得過我老公好樂意任我發癲呀!
我都好鐘意飲你買左果的茶架~ 不過日超賣到好鬼貴﹐有時我自己煲完攤凍放雪櫃~
回覆刪除[版主回覆11/03/2010 01:07:00]Glasgow 無日超，中超賣既日本茶來來去去得果幾隻! Pokka 仲要係新加坡生產既........
所以我平時都係買綠茶葉自己沖，不過多數飲熱既!
係呀!返嚟香港先買啦!香港D嘢好平o架!
回覆刪除[版主回覆11/03/2010 01:05:00]係呀~ 係呀~ 打定咗張list 嘞!
吓? 你係咪誤會我意思呀?
回覆刪除我意思係在外地會好掛住亞洲食物咋...我都住海外, 我一見韓國呀中國果d細舖仔, 我就會發癲買架喇~~鬼佬d配味料唔啱中國人煮中菜嘛...
希望你唔好誤會啦
[版主回覆11/02/2010 21:43:00]如果係一d我好熟絡既網友好似妳之前咁留言，我當然會明白 + 唔會誤會;
但我完全唔識妳，而且妳個A/C 亦係空既，妳咁留言好難怪我誤會果喎! 妳又唔係一向喺度留慣言，我點知妳都係住海外?
anyway 一場誤會，我為自己誤會咗妳意思道歉!
哈哈誤會啫!!
回覆刪除我最近先開始睇你blog嘛, 學你煮野食呀, 係度唔似係香港, 好難用有限既資源去煮中餐, 而我仲係初哥添!
又係既, 網上太多惡意留言, 有時真係分唔清既!
你就好啦就黎返香港, 到時又可以買野喇~
[版主回覆11/03/2010 01:04:00]咁妳住邊個國家架? (唔想講既話feel free 唔講~)
我依邊比我初來時真係好咗好多! 越來越多中式食材賣~ 雖然同香港依然無得比，但好過無啦~
返香港除咗買野之外，最look forward 係食到V媽媽手勢! 期待ing~~~~
I had this Kadoya純淨上等麻油, and I think it's OK la
回覆刪除[版主回覆11/03/2010 01:00:00]havent tried it yet! ive tried the other Japanese brand - "極上胡麻油", it is really good but very expensive......
見到妳地去倫敦玩我都想去呀!可惜我冇假又冇$$
回覆刪除[版主回覆11/03/2010 00:58:00]其實倫敦都無咩好玩，我去都係為咗食野 + shopping~
包麥精奶你個到賣幾$?
回覆刪除[版主回覆11/03/2010 00:57:00]好似8Xp~ 唔係好記得.....
they don't sell this sesame oil there?? it seems very common in here
回覆刪除[版主回覆11/03/2010 01:46:00]dont know why you are so shocked? you live in the US and i live in the UK, if something's common in the US, it doesnt mean that it must be common in the rest of the whole world!
im sure that there is something which is so common in the UK, but you wont find it in the US~
Let me try to find 極上胡麻油. I believe in your taste, so it should be very good.
回覆刪除[版主回覆11/03/2010 02:16:00]極上 is the best sesame oil ive ever tried at the moment! however i havent tried kadoya yet, cant telll you which one is better~
哇，發癲架，我一睇隻碗個價錢，眼都突埋，成三千五蚊？貴得好過份啊...
回覆刪除[版主回覆11/03/2010 18:01:00]咪係!!! 如果隻杯靚都話啫......幾鬼核突呀!!!! 恕我真係唔識欣賞嘞~~~~
把刀話：我依啲叫實而不華，唔係叫“個樣唔靚” 咁貴把刀，唔通切野唔洗用力
回覆刪除[版主回覆11/04/2010 00:13:00]我當把刀"實而不華"; 咁個綠茶杯唔係嘞啩? 個杯"不實不華"喎!!!!
唓，我講把刀之嘛，幾時提過隻杯 其實隻綠茶杯係咪古董，隔離個牌係咪寫住Born in 1967?? 價錢咁貴，唔通係藝術品，又話者製造者已經
回覆刪除[版主回覆11/04/2010 02:21:00]個製造者43歲至喎! 如果係死咗既應該會講埋咩年死.....
不過就算係隻杯43歲，點算得上係古董呀???
E…睇錯咗，係製造者born in 1967喎 咁可能要Japanese先識欣賞啦
回覆刪除我一睇就以為係一個人,無諗過會係 蠟像,其實蠟像做得好真,要好細心睇先知道
回覆刪除不過香港個蠟像館,唔係個個都做得咁似明星個樣...
[版主回覆11/04/2010 18:25:00]其實依個行近來睇實物都唔係咁似架咋! 佢地整瘦咗 + 靚仔咗Jamie 咋!
我去過3間杜莎夫人蠟像館 - 倫敦、阿姆斯特丹 + 香港~ 香港果間蠟像的確比較生硬! 或者洋人唔太認識亞洲人輪廓.....
今日買咗支 "極上胡麻油" ....要10euro 呀! double 我平時用開嘅 "純正胡麻油" 呀!!!
回覆刪除好鬼鐘意你個blog
[版主回覆11/09/2010 21:37:00]妳好~ 歡迎妳Pandos!
哇10euros~ 真係一山還有一山高! 日本人真係.....希望妳會覺得好味啦! 如果妳覺得唔正高抬貴手勿插喎! (咁我係覺得正嘛! )
咁德國d野都幾貴喎! 妳平時用開果枝"純正胡麻油"係點架?
多謝妳鍾意我個blog! 有時間多d來坐吖~
回覆刪除呢枝呀
哎呀....張相出唔到
回覆刪除http://www.flickr.com/photos/97168937@N00/5161428742/
[版主回覆11/09/2010 22:31:00]依枝我未見過呀! 香唔香架??