2010年11月5日星期五

花膠茶樹菇雞湯


1. 茶樹菇乾浸水30分鐘後,洗淨搾乾水備用。

2. 花膠適量用滾水浸透瀝乾後切塊。

3. 雞脾洗淨瀝乾。 (我鍾意有油水,所以唔去皮! 怕肥膩可先去皮~)

4. 瘦肉適量汆水備用。

5. 圓肉、杞子和蜜棗各適量洗淨瀝乾備用。

6. 水大滾後先放入所有肉類,再放入其他材料煲至再大滾,轉慢火煲3小時,用鹽調味即成。

茶樹菇益氣開胃,具補腎健脾胃及 滋陰的作用,亦有降膽固醇 + 防癌功效,被認為是延年益壽的上品。



12 則留言:

  1. 我媽咪食日都煲菇菇湯俾我飲架
    我又會成日都食哂D菇菇.
    唔知點解我會咁鐘意食菇
    [版主回覆11/05/2010 20:24:00]咁菇菇係幾好食既! 我都好鍾意食菇菇,可惜依度既菇選擇太少......
     
     

    回覆刪除
  2. Gaileは林家歐巴桑2010年11月5日 上午6:33

    我都好鐘意食茶樹菇,好鬼爽口
    [版主回覆11/06/2010 17:55:00]妳果邊買新鮮定好似我依d乾架??
     
     

    回覆刪除
  3. 我上星期终於的起心肝發咗d膠...我都係放 圓肉、杞子和嚮螺燉。。。Hm...我都試吓放d乾菇先~~
    [版主回覆11/06/2010 17:54:00]我今次用花膠筒,只需焗水幾個鐘,唔洗發慳好多時間! 我用來炆整餸先用大隻要發既花膠~ 煲響螺都好甜好好飲啊!
     
     

    回覆刪除
  4. 我又飲我又飲,留碗比我啦 (o^^o)
    [版主回覆11/06/2010 17:53:00]巧 巧 巧~ 整碗大大碗既過妳 + 多花膠吓!
     
     

    回覆刪除
  5. 花膠正呀~~~
    [版主回覆11/06/2010 17:51:00]花膠又好味又養顏呀!!!!
     
     

    回覆刪除
  6. 勁,英國都搵到. 係香港都不太普及,我係返大陸先成日食同認識佢,煲湯同炒(用新鮮)都好食. 新鮮既仲爽口. 次次返大陸做野,我都買幾盒返香港. 不過依架發現原來元朗同大埔都有. 但我住9龍.
    [版主回覆11/06/2010 17:51:00]咁我依邊又唔係落後度真係乜都無......可能越來越多亞洲人,近十年越來越多唔同既亞洲食材~
     
    不過始終氣候唔同,好多新鮮食材喺英國未必可以人工培植到,所以有乾貨都已經好好架嘞!
     
     

    回覆刪除
  7. 我尋晚都煲左花膠湯呀
    [版主回覆11/06/2010 17:44:00]係呀? 花膠好呀~ 又好味又養顏!
     
     

    回覆刪除
  8. Gaileは林家歐巴桑2010年11月6日 上午3:02

    我係之前返香港帶返黎係乾既,我有次喺依邊買過新鮮既,不過唔係成日有...不過乾既香好多
    [版主回覆11/06/2010 18:16:00]係囉~ 乾菇真係香好多! 可能乾哂水香味濃縮d~
     
     

    回覆刪除
  9. 有冇煲過姬松茸,都好香好好味架 ^^
    [版主回覆11/07/2010 02:44:00]未呀~ 唔見依度有得賣嘛!
     
     

    回覆刪除
  10. "近十年越來越多唔同既亞洲食材" - 咪好lor,好多年前陪朋友返英國,係香港曬定d連藕同青蘿蔔帶去. 佢地住埠仔,附近無唐人街.  去到倫敦唐人街勁興奮,居然係買萬里望花生,榴槤,魷魚絲......仲帶我去食炒什.  
    [版主回覆11/07/2010 02:43:00]吓......咁我唸妳朋友真係住好僻! 因為我十幾年前初來時都已經見到依度有蓮 藕青蘿蔔嘞~ 好多香港既零食依度都有!
     
     

    回覆刪除
  11. 咁下次買包比妳,可以就咁煲,或者同茶樹菇一齊煲都得~~~
    [版主回覆11/07/2010 19:48:00]等我今日去睇吓依邊有無先!
     
     

    回覆刪除
  12. 姫松茸煲湯真係好香好好味呀!
    我好鍾意用猴頭菰、舞茸、姫松茸煲湯,有時會加入紅青蘿蔔粟米湯一齊煲!
    [版主回覆11/09/2010 20:09:00]我未煲過姬松茸喎! 不過猴頭菇都有,我都幾鍾意煲猴頭菇~
     
     

    回覆刪除

Related Posts Plugin for WordPress, Blogger...