飲飽食醉@倫敦2010 - Day 2 黐咗線獨食日本Dinner 篇 (2010年10月30日)

續Day 2......
去完Marc by Marc Jacobs 之後，主要都係行街行街再行街，不過靚天氣並無持續，又開始落大雨，搞到我條褲濕鬼哂!!

最憎濕立立行街!  是晚老公約咗佢班損友gathering，我寧願早d返酒店沖個靚涼睇電視......
喺老公送我返酒店之前，緊係要先搞掂我餐din din 先啦!

 喺Wasabi 買咗一個雜錦壽司盒、一個吞拿魚芥醬飯糰，另加14件自選壽司......
全部都係我一個人食哂!! 爽~~~~

 返到酒店老公去沖涼換衫時，我已經忍唔住開咗個飯糰來食!
其他野留返成晚流流長慢慢歎~~~~~

老公出咗街之後，我一個人喺酒店房上吓網睇吓電視......

  開餐~~~~~~~~~~~~

 磨咗1粒鐘左右又開始口痕，開咗依盒野食!

食到剩返d枝豆既時候，我突然好想好想飲味噌湯!!!

見大雨停咗，所以一個人出咗去酒店附近既大車站周圍行吓......

 喺火車站見到有人著哂costume......

不過睇佢地個款唔似係halloween， 應該係啱啱去完MCM Expo 既cosplay fans!

改唔到鍾意行超市既習慣，入咗Tesco 及及......

 之前聽過幾位英國網友話Tesco 有白蘿蔔賣......真係喎! ( 哈~ 原來白蘿蔔英文叫做Mooli 喎!)

隔離右邊淺綠色長身，無認錯既話應該係蒲瓜!  英文叫Dudhi~

 仲有又平又靚既通菜!!!!!

點解蘇格蘭既Tesco 無白蘿蔔又無通菜賣既???????

不知不覺行吓睇吓咁又過咗粒幾鐘頭!  老公來電話唔放心我一個人夜晚周圍走，叫我快d返酒店......

都差唔多架啦，好多店已經關咗門，而且我又開始肚餓嘞!

  又開餐~~~~~~~~~~~~

車站都有間Wasabi，去買我想飲既味噌湯......

 見到個炸雞飯盒好似好正，忍唔住買埋佢!

返到酒店即時食哂個炸雞飯盒 + 剩返既枝豆，趁熱飲埋碗湯!! 正~~~~~

  再開餐~~~~~~~~~~~~

 之後我一路上網，一路歎清依14件sushi!
依間倫敦先有既連鎖壽司店Wasabi 真係好味得來平到笑~~~~

其實舊年去倫敦時我已經幫襯過! (網誌)

大家估吓我依餐一人獨食日本大餐幾錢?

 雜錦壽司盒、吞拿魚芥醬飯糰 + 14件自選壽司......只係£17!

 炸雞飯盒加個味噌湯只需£6!

飽到唔郁得都只係£23!! 嘻嘻~~~~~

點解Glasgow 無Wasabi 既呢???????  

>>>>>>>>>>>>>>>>>>>>>>>>>>>>>>>>>>>>>

好嘞~ 係時候開估我喺Marc by Marc Jacobs 敗咗乜野嘞......

 係咪好想知係咩來呢?

 真係好想知係乜來??

 估唔估到係咩來呢???

  哈哈~~~~ 玩夠嘞! 懶係神秘......

 只係水靴一對 + 縮骨遮一把......咁大把!

原本我第一選擇係深紫靴身 + 粉紫靴底~ 可惜我對腳太細無我size....

 唯有退而求其次要咗依對茄子色靴身 + 桃紅靴底!

 love them~~~~

 本來無打算買既縮骨遮......點知一出門口就落大雨!  唯有入返去買把遮!!

對水靴 + 把縮骨遮都係cheap 野來......

水靴 - £14

縮骨遮 - £13

  2樣加埋都唔洗£30! 筍~~~~~~