二人世界小休復出 - 2010年11月3日 + 4日 (附食譜)

11月3日(星期三)晚餐: 偷懶白汁雞皇意粉

我呢真係好鬼衰架! 每次去完旅行relax 完 - 尤其係食得好開心果隻，玩完返到屋企我就會連續幾日都唔想煮飯......

今次短程去完倫敦幾日，返到來頭2日都唔想煮~ 星期三終於都肯入廚房整咗白汁雞皇意粉! 

久休復出唸住用返自己方法整白汁，不過摷食物櫃搵bay leaves 時，搵到上次blog 友Fian 寄比我既白汁磚......

 叮!! 用佢可以再簡單dd + 快手偷懶多dd!

仲可以順便清貨!! 嘻嘻~~~~

 依隻白汁磚好好味啊!!!

通常依種方便白汁磚包裝盒上指示會話加清水800ml + 牛奶300ml......

不過我比較鍾意汁濃味 + 杰d，所以我一向只加500ml + 牛奶300ml - 依個份量對我來講就啱啱好嘞~

雖然依餐用咗方便白汁磚，不過我網誌尾會照貼自製白汁雞皇既食譜!

11月4日(星期四)晚餐:

花膠茶樹菇雞湯; 香茅醬豬扒 & 西蘭花炒魚柳 (再另加湯渣1碟~ )

 早排喺泗和行見到依包野買來試吓......

一開袋已經聞到好鬼香~~~~~

 煲完湯既菇又幾爽口幾好食!

唔知係咪蘇格蘭水質同香港水質唔同既問題呢?

V媽媽喺香港煲湯煲2粒鐘左右就好夠味，所以我之前煲湯都只煲2粒鐘，但硬係好似唔夠味......

咁我唸: 唔通我落得唔夠料? 但試過落多d料煲出來都仍然係差d!

99煲湯好鬼多料又好鬼甜，於是有次我問99煲湯煲幾耐，佢話要煲3粒鐘，2粒鐘未煲出味來!!

原來係咁!! 果次煲五指毛桃湯開始煲3粒鐘，湯味果然真係濃好多喎!


老公成日都話要食豬扒!

唔想唸整咩豬扒; 二來要清貨......

 今次用咗blog 友Mami 阿四寄比我既李錦記香茅醃醬......

 方便快手又好味!

 依個西蘭花炒魚柳好似酒樓既咁好味~

老公超鍾意 - 因為無骨啖啖肉嘛!!

可惜洋人超市可以買到既魚種類好有限，用haddock fillet 來炒都有少少散散地! 不過總好過用cod 既~

最衰無草菇賣，如果唔係加埋草菇仲正!

哎吔~ 忘記加幾片紅蘿蔔花花來裝飾下呢!!  失策~~~~~


 白汁雞皇食譜click here~

 花膠茶樹菇雞湯食譜click here~

 香茅醬豬扒食譜click here~

 西蘭花炒魚柳食譜click here~