飲飽食醉@倫敦2010 - Day 3 日本午、晚餐篇 (2010年10月31日)

啦屎day 嘞! 是日返屋企嘞......

Lunch 再去幫襯Japan Centre Toku!

 因為老公要claim 積分咭既免費綠茶雪糕......

 我既Assorted Nigiri Sushi;

 我既Spicy Ramen~ 依個湯麵麻麻地啊! 又話spicy 但一d都唔辣 ，要加好多七味粉!!

 (2009年10月) 舊年食過依個Spicy Chicken Miso Ramen 好正架嘛!! (連個賣相都正好多!)
早知點返Beef Teriyaki Set 啦!!!!!!

 老公翻啅Katsu Don - 依個飯真係好正!!

 原來佢地2球綠茶雪糕要£3.50 咁鬼貴果喎!!

老公話如果唔係積分咭點數有得送，佢真係唔會點來食!

食完lunch 去咗Uniqlo 最後衝刺......

 睇中咗依件格仔衫! 好鬼鍾意......

架上只得依件細碼攞去試吓 - 太大!

問店員依個款有無加細碼，佢check 完電腦之後竟然話: 依個款幾隻色都無出加細碼喎!

有無搞錯呀????

Uniqlo d衫一向明明係有加細碼架嘛!

偏偏揀正我睇中既款就唔出加細碼!!  
你地話咩道理吖?

 最後只買咗依個好cute 既ear warmer!

質地好軟好舒服好暖~~~~~

 好彩有圖示點樣帶啫 - 因為原本我以為好似帶草帽咁箍喺前面下巴.......

原本打算行到夜晚食埋dinner 先去機場攞車，仲已經一早book 好哂去機場既巴士飛，點知又落起大雨來!! 真係掃興~~~~

雖然今次我唔係買咗好多野......

 不過積少成多，都有幾多食物! 而且一樽樽果d液體好鬼重架!!

 仲有對水靴都好係野!

雖然老公幫我攞哂d野，不過落咁大雨我都戥佢辛苦......

而家是晚老公要渣6粒鐘車，第二朝星期一仲要返工喎!!

所以我地最後決定早d起程返屋企!

但要花多£32另買機場巴士票......

離開倫敦市中心之前去Wasabi 走咗轉!

 買咗個好好味既炸雞便當喺車上食;

 又買咗14件自選sushi 帶返屋企!

至於老公......

 佢話唔想食凍野，所以佢半路中途停咗喺Service Burger King 買餐食......

又係漢堡包!!!!!

(我又承機買咗盒M&S Hot & Spicy Chicken Wings! 嘻嘻~~~ )

>>>>>>>>>>>>>>>>>>>>>>>>>>>>>>>>>>>>>>>>>>

 幾日來無論任何時間、任何站搭underground 都係塞滿哂人!

倫敦太多人嘞!!! 地鐵站人多但通道狹窄，通風系統係我去過所有國家地鐵系統最差之冠;

車箱樓底矮又逼夾，污糟邋遢又好鬼臭 ; 每次車箱關門都好似沙甸魚罐頭;

街頭任何時間都係人頭湧湧人撞人;

街上見有好多巴士站關閉 - 原因係果架巴士太多人搭，搞到馬路太塞車，所以倫敦Mayor 斬腳趾避沙蟲索性將巴士站關閉......

咁搞法~ 究竟唔夠2年後既奧運倫敦cope 唔cope 到大量人流呢??