我的新玩具 - 早咗成個月既聖誕禮物! (2010年11月20日)

一見鍾情既威力真係巧厲害!!!!

Mr.T 對我一見鍾情，最終娶咗我做老婆;

我對"佢"一見鍾情......

 最終令到曾經話過屎都唔會買stand mixer 既我帶咗佢返屋企!

上星期部netbook 火牛燒鬼咗，於是weekend 去咗PC World 配返個火牛~ 發現PC World 重新裝修過，樓上多咗一層shop，八卦上去及及，原來係電器舖Currys!

見到有廚用電器，我當然要巡視一下啦......

就係咁邂逅咗佢 - BOSCH Compact Kitchen Machine (MUM461A GB)!

之前有太多令我堅持唔買stand mixer 既原因......

英國stand mixer 選擇不多 - 最出名既牌子來來去去都係KitchenAid + Kenwood!

我覺得KitchenAid 外型太醜樣 ，而且我見過網上有KitchenAid 用家話350W打麵糰唔夠力水，甚至有用家打打吓麵糰燒摩打，成部機要入廠;

Kenwood 款式雖然比KitchenAid 靚好多，但之前一部手提kMix (網誌)已經令我對Kenwood 產品信心大打折扣......

最重要係 - 所有KitchenAid + Kenwood 既stand mixer 牛龜咁大部 + 好鬼重!!!!

依部BOSCH 就唔同嘞......

 黑配銀既外表深深吸引住我~~~~~~

我見有人話打麵糰最少要超過350W~ 佢有550W，夠用有凸!

機身連銀色金屬mixing bowl 只重8磅! 咪以為550W摩打但機身只得8磅咁輕，用時部機會跳舞喎......

 因為機底部四角都有膠吸，連木枱表面都吸得好實!!

 最重要係機身小巧唔阻訂! 唔用時收埋個mixing bowl 仲可以摺成咁架~~~

BOSCH 係德國品牌，一向出名製造電鑽、電鋸、剪草機依類需要大馬力摩打既power tools，而家仲發展緊製造汽車motor~

我對依部kitchen machine 好有信心!!

上個weekend 喺Currys 邂逅佢，返到屋企心掛掛考慮咗一星期，見網上好多人激讚BOSCH 既mixer......我決定要迎娶佢入宮!

依部係類似款式 + 功能既美國model~ (400W)

依部BOSCH 除咗係一部mixer 之外......

 另外仲包埋大咋不同功能用途既配件!

 Blender

 搾汁器

 切片 / 刨絲 / 刨蓉

靚仔又多才多藝~ I love it!

>>>>>>>>>>>>>>>>>>>>>>>>>>>>>>>>>>>>>>>>>>>>>>

 大家仲記唔記得佢呢? (網誌)

部BOSCH 入宮後，咁依部Breville 點算呢??

依部Breville 我只試過用個座一次，之後個座就一直收埋咗......

其實佢係一部非常好既mixer - 不過只限手提!

 打麵糰好夠力，可惜唔知邊個moron 將2枝麵糰勾設計成不同弧度?

 打麵糰時，麵糰會靠右邊麵糰勾向上捲!

打麵糰時一定要用手提來控制避免麵糰向上捲，個座等同廢既~

但用來打少份量既材料，係一個非常好既手提打蛋器!!

我會keep 住依個Breville 當hand mixer 咁用!! (無理由打少少野都開大機架嘛!)


部BOSCH 當然係Mr.T 送比我啦! 

Mr.T 今日生日，但收禮物竟然係我唔係佢!! 

天理何在~~~~

良心過意唔去......就當依部BOSCH 係我提早收到既聖誕禮物啦!

Thanks Hon~~~ love you! (and love it!! )