唔好甜既我好少飲糖水，亦唔多鍾意飲糖水!
不過有幾個例外 e.g. 熱既椰汁雪蛤膏; 熱既椰汁西米露; 熱既無餡糯米湯圓(要落好多薑!!) + 雪凍咗既臭草綠豆沙 (只限夏天喎!
)一向對白果腐竹雞蛋糖水無咩感覺 - 唔係鍾意又唔係憎~
但唔知點解weekend 突然想食
，不過腐竹、雞蛋 + 冰糖屋企都有齊哂......係無白果! 
weekend 去泗和行買白果，平時佢地有一包包已去殼既真空包裝白果架嘛，咁啱果日我去買又會一包都無........
(其實我鍾意叫白果做"銀杏"多d~
)1. 腐竹4-5條浸軟備用。
2. 煲滾清水1000ml。
3. 加入已去殼白果80g滾約15分鐘。
4. 再加入腐竹煲至腐竹溶化。
5. 熄火並放入冰糖80g蓋蓋，讓冰糖慢慢完全溶化。
5. 雞蛋數隻烚熟去殼，待冰糖完全溶化後再煲滾，加入雞蛋即可食用。
(今次煲得唔夠濃，因為我太多手一路煲一路加水......
)
我要飲碗糖水潤潤喉先得!
回覆刪除[版主回覆11/09/2010 19:56:00]要唔要蛋呀?
我未食過,唔知味度係點呢
回覆刪除[版主回覆11/09/2010 21:31:00]未食過好難形容果喎! 香港周圍都有糖水店，依個好大路應該間間糖水店都有得食~
整腐竹蛋糖水，我最愛放鵪鶉蛋，再加雞蛋花! 不過，我從來都無放白果，因為無人食，太浪費!
回覆刪除[版主回覆11/09/2010 21:30:00]我依度間中先見到有鵪鶉蛋賣~
加雞蛋花幾好喎!! 我成日覺得烚好隻蛋先加入糖水度都幾無聊!! 都唔係一齊煲.....等我下次試吓加蛋花先! thanks~
白果我好鍾意食架! 用來煲豬肚湯仲加正~
我好甜,仲好鐘意飲腐竹糖水,我喺台灣煲過一次,用既係我之前用黎滷豬肉果隻腐皮,煲出黎我老公竟然唔鐘意飲,佢話雞蛋甜既好奇怪 我想講既係蛋糕.蛋撻果d雞蛋咪又係甜,攪到我唔敢再煲!!不過見到妳煲,我聽日又煲返碗黎自己嘆
回覆刪除[版主回覆11/09/2010 21:28:00]其實...........我同妳老公一樣 - 覺得雞蛋甜係好好奇怪! 不過睇咗妳既反駁即時無野好講!!
佢地唔食咪我地煲比自己食囉!
Aiya~~
回覆刪除本來路過無諗住留言,但見到呢個糖水忍唔住想講"我又要飲呀!!!!"
聽日問下奶奶煲唔煲黎飲先.....
[版主回覆11/09/2010 21:52:00]我太少煲糖水，依個加得太多水唔夠濃......
點解煲糖水要問99既?
哈哈...我諗妳同我老覺得雞蛋甜好怪係因為原隻雞蛋既問題啩,打散左整甜品又可以接受!!所以至醃尖就係你地啦
回覆刪除係呀,其實我62都好甜品既,所以聽日煲煲我地兩個嘆
[版主回覆11/09/2010 21:57:00]哈哈~~~ 打散咗就唔再係雞蛋既質感啦嘛! 烚蛋都係配鹹味多d!! (我覺得!! )
天氣涼涼地食番碗就最正 !!!!!
回覆刪除[版主回覆11/09/2010 22:35:00]天氣凍又乾燥，食返碗熱辣辣又滋潤~
BBQ一定要煲既糖水~~~
回覆刪除我而家開始得閒都煲雪梨茶飲,咁既天氣真係要潤一潤
[版主回覆11/09/2010 23:32:00]我BBQ一定要雞翼!
我唔鍾意飲甜野，所以雪梨一係就咁食，一係用來煲湯~
唔知點解椰汁我受唔到﹐一食個胃就唔舒服。 我呢邊的亞超同鬼超都出現成日換貨既問題。
回覆刪除[版主回覆11/09/2010 23:51:00]其實我唔係好鍾意椰子，但有d食物唔用椰子 / 椰汁就硬係好似爭緊d野咁!
泗和行唔係換貨，只係咁啱果隻真空包裝白果賣哂啫! 依隻罐頭白果一向都有得賣，不過今次第一次買來試~
我鍾意煲到奶白色.....正
回覆刪除[版主回覆11/12/2010 19:18:00]我都鍾意煲到奶白色，不過可能我依邊d腐竹唔靚，又或者我今次加得太多水.......
我都鍾意食無餡湯圓, 勁鍾意嗰隻... 但係我屋企人同我啱啱相反, 所以新年整湯圓都要加返少少餡, 不過唔係普通芝麻花生, 係加碎片糖, 都好好味~~
回覆刪除[版主回覆11/12/2010 19:17:00]其實唔太甜既黑芝麻餡我都接受得到既! 幾香幾好食~ 不過最好都係無餡囉~
放D薏米，會杰DD。同埋用腐皮(好似抬布咁大張)代替腐竹，既可以煲到奶白色且不會有怪味。因為腐竹唔靚，會嘥咗D心機
回覆刪除我本身唔好甜所以好少煲糖水~ 果次係心血來潮想食白果腐竹雞蛋糖水，不過屋企無腐皮先用腐竹來代替
刪除