搭巴士搭到Oxford Circus 見到有間Muji 就落車，不過喺Muji 無收穫，唸住行路去Piccadilly Circus 搵野食......
啱哂!! 因為之前果晚已經想食韓國野，即時入去試試~~~~
開餐~~~~~~~~~~~~
)綠色果碟唔知咩來呢?
我喺香港 + 韓國都未食過! 一條條似涼粉但無味無道.......不過碟海草 + kimchi 都好正!
(1975年開業)>>>>>>>>>>>>>>>>>>>>>>>>>>>>>>>>>>>>>>>>>>
食完lunch 就行去Mayfair 既Marc by Marc Jacobs 做名牌奴!
(不過下一篇先講你地知係乜來! 
)
我的老公也是喜欢坐巴士，巴士太慢啦，站站停，很烦！！。你在london吃的日本餐和韩国餐都好“正”。我每次去就是吃“马来一哥”！！，下次要去试试你吃过这两家。
回覆刪除[版主回覆11/02/2010 19:33:00]假期relax 架嘛，時間應該好flexible，又唔趕時間緊係搭巴士好啦! 佢地個tube system 幾污糟呀，空氣系統完全唔掂，我寧願慢少少都揀搭巴士!
我地次次去親倫敦都一定會食Japan Centre 架! 大大話話食咗成十年咯! 今次係第一次喺倫敦食韓國野，Glasgow 都有一千零一間韓國餐廳，不過服務 + 食物水準完全唔掂!!! 倫敦依間韓國餐廳好有水準~
"馬來一哥"係咪喺唐人街架?
食韓國野正呀...韓國餐廳d餐前小菜真係好好味,見到我都想食
回覆刪除哇哇哇...好心急呀,等我估下妳買咩先??衫???
[版主回覆11/03/2010 00:52:00]其實Glasgow 都有一千零一間韓國菜，無奈野又唔係好食 - 石頭飯裡面竟然有幾條頭髮! 無錯唔係一條係幾條喎!! 再加埋一條醜樣又無禮貌妙咀妙舌既中年八婆阿嬸，依世都唔會再幫襯佢地!!
開咗估嘞! 妳估錯咗~
马来一哥就在唐人街，其实是在space写blog先的。
回覆刪除[版主回覆11/03/2010 00:49:00]咁妳係咪唔再寫yahoo blog 嘞?
其實我都好鐘意食韓國餐﹐ 不過我又要食又怕煙 ﹐ 因為我自己唔燒﹐人地都會燒架嘛~ 你買左的咩靚野呢?﹗我好心急想睇下呀﹐ 我呢度冇開呢間店架﹐如果係其它鋪頭散賣就有~ 你有時間就快的開估啦~
回覆刪除[版主回覆11/03/2010 00:48:00]其實有時打邊爐都會有味架~ 唔好著咁靚去食咪得囉!
其實都唔算係咩靚野! 係平野就真~ 我懶神秘啫!
Glasgow 都無Marc by Marc Jacobs 專門店，倫敦依間有2層幾大間架!
office "toilet" 搞笑 綠色個D唔係seaweed salad咩? 不過我食過個D係好幼﹐ 唔知有無分別。 韓國野﹐ 正!! 但點解一個人都無 (除左你兩個)
回覆刪除[版主回覆11/03/2010 00:43:00]d人手痕加咗個"i"落去即時變到好搞笑!
我講緊左下角鮮綠色果碟喎! 點睇都唔似 seaweed salad 喎......佢口感好似完全無味既啫喱糖咁架(比啫喱糖再軟少少!!)，唔知咩來又唔好味~
有人! 間餐廳仲有樓下果層，我地入去時有大班韓國人 - 應該係旅行團由樓下行上來~ 食食吓又來多4枱客人!
我想知妳既收穫
回覆刪除[版主回覆11/03/2010 00:37:00]開咗估嘞!
我雖然唔食得辣 但韓燒真係好正 同埋我都超鐘意食的前菜小食 好正呀 ^^ 我估你買衫 哈哈 因為我同你都細細粒 ... MJ的VS碼外套我啱我地size 我都有入貨 哈哈
回覆刪除[版主回覆11/03/2010 00:37:00]韓國野唔一定係辣架嘛~
我都好鍾意食韓國餐前小食! 好多花款可以一次過食唔同味道~~~~
我唔係買衫呀! 已經開咗估嘞~ 我試過佢地d衫，件件都好大件.......
我鍾意個 offices toilet，有創意！ hahahaha...... 我都好鍾意食韓國嘢，特別係kimchi，今日先啱啱食完韓國燒烤。 你之前同V媽媽去銅鑼灣果間金羅寶我都有去，不過真係幾貴。
回覆刪除[版主回覆11/03/2010 01:55:00]d人多手得來幾有sense of humor!
我都好鍾意食韓國野! 我好細個時香港仲未興食韓國燒烤，果時V媽媽店對面有間韓國人開既燒烤小店，我地一家成日去幫襯架! 所以我都算由細食到大~ 後來佢地成家返哂韓國咯~~~~
V媽媽就轉咗去東大門，後來再轉去金羅寶食到上哂癮，做埋VIP~ 我地去親都另外有私人醒小食架!
倫敦既 韓國野真係好好食呀！ 您知唔知道有間叫ASSA係 Tottenham Court Rd 個間超正呀！ ASSA 有兩間 ﹣ 另一間係唐人街係分店！您下次去試下吖～ 我次次去倫敦都會食 韓式打邊爐架
回覆刪除[版主回覆11/03/2010 04:16:00]依間吙係我之前果晚去Centre Point Food Store，對面排長龍排到出門口果3間韓國餐廳其中一間囉!
哦。。。原來CENTRE POINT FOOD STORE 係個到呀？ 我去左好多次個頭都唔知個到有間專買 韓國野既STORE TIM。。。 個3 間我試過一頭一尾個兩間。。。ASSA好好食 ﹣ 佢個牛仔骨真係超好食！上次9點幾去到ASSA 仲好多人等緊，所以就去試另一間﹣ D野食麻麻地 ＋ 用好多味精黎煮！
回覆刪除[版主回覆11/03/2010 17:52:00]妳上次幾耐前去過倫敦呀? 可能妳上次去時Centre Point Food Store 未開呢? 我都係今次先知有間咁既韓國超市!
我地今次試咗倫敦韓國菜始祖，下先有機會先試妳介紹依間啦!
成日頭貼頭.......真係唔抵得..........
回覆刪除[版主回覆11/03/2010 17:46:00]蟻兄洗乜唔抵得呀? 搵個人同妳頭貼頭貼夠佢咪得囉!
office "toilet" 超攪笑喎!!!
回覆刪除[版主回覆11/03/2010 17:45:00]d人手痕之作! 多一個字 / 少一個字意思幾大分別!!
我記得你唔搽有色唇膏,第一張相睇到好清楚你唇色和型好健康好美,唔似我無半点血色.
回覆刪除[版主回覆11/03/2010 17:43:00]多謝M~ 係呀，我平時只搽無色潤唇膏架咋! 只會正式場合先搽少少有色唇膏，不過都係淺色既~
會唔會係妳血氣唔好呀? 妳少食肉既話可以食木耳，補血架!!
我就鍾意搭巴士啦, 可以睇下周圍風景
回覆刪除[版主回覆11/03/2010 17:41:00]係呀~ 唔鍾意成日喱喺地底!
點呀…名牌奴 買咗咩筍野呀？？
回覆刪除[版主回覆11/04/2010 00:07:00]名牌奴怕比扮路過既眼紅癲婆淋紅油 ，所以就住來敗.......
綠色個D好似係魔芋黎,食得飽又唔會肥個D呢(我覺得即係=唔好食). 之前有人係韓國買咗2包返黎,就算落埋醬汁都係無味. 韓國野係ISQUARE開了"名家",呢間真係好好食架. 不過可能V媽媽都已經食過.
回覆刪除[版主回覆11/04/2010 02:02:00]講開又似似地魔芋喎~ 總之就完全無味無道啦! 搵個機會問吓d韓國隊人係乜來先!!
V媽媽係好難先會去試新野既! 佢食過一間好味就會stick to it，所以我肯定佢未試過"名家"~