二人世界三餸一湯 - 2010年11月8日 (附食譜)

西洋菜牛肉湯; 西汁焗豬柳; 蒜蓉炒菠菜 & 烚鹹蛋

"少餸制"實行起上來越來越易上手嘞!

以往晚餐經常都有餸剩for 我第二日做lunch; 不過而家開始習慣將每碟餸份量減少，咁就可以餐餐清嘞!

 清清地滾個西洋菜牛肉湯，西洋菜滾完湯仲好爽口清甜，唔似得煲老火湯咁煲到爛溶溶!

 依個豬柳有少少酸酸甜甜，但又唔係咕嚕肉咁既味喎! 好好送飯~

本來唸住用鵝肝潤腸來炒菠菜，不過見有條豬柳 + 湯裡面又有牛肉......

加上喺雪櫃搵到2隻鹹蛋 - 唔係我自己醃果d喎，要清貨快手烚埋來食..........

碟菠菜就咁蒜蓉炒由佢清清地!

 飯後小休一陣整咗碗我突然發神經想食既白果腐竹雞蛋糖水!

老公雖然嗜甜，不過佢至憎中式糖水，所以唔洗預佢~

 西洋菜牛肉湯食譜click here~

 西汁焗豬柳食譜click here~

 白果腐竹雞蛋糖水食譜click here~