農曆新年 - 黃金椰汁年糕

蒸糕bells, 蒸糕bells, 蒸糕All The Ways (2010年2月14日)

恭喜發財!

祝大家虎年行大運!

男or 女都好 - 心情 + 樣成日都靚靚~

大隻or 細粒都好 - 身體要強健如虎~

為食or 貪靚都好 - 天天豐衣又足食~

買唔買六合彩都好 - 日日財源滾滾來

大人細路男女老幼 - 事事心想事成!


今日大年初一，適逢仲係情人節V's Day......

順便祝天下所有couples - 祝你地甜甜蜜蜜~ 溫溫馨馨~ 有情人終成眷屬;

至於仲未有另一半既人 - 祝你 / 妳地早日搵到你 / 妳地既Mr. Right / Miss Right!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

尋晚年三十晚我無煮團年飯，因為廚房個蒸糕bell 響完又響，響過不停......

舊年嘗試整蘿蔔糕，一擊即中! 連一向飲茶時完全唔吼蘿蔔糕既老公都食到Lam Lam 脷;

今年想學整年糕，不過唔多鍾意甜既我並唔太鍾意年糕，老公又唔多吼中式賀年點心......就整比6299啦! 不過第一次整年糕就請人食有少少太冒險......

咁整多底蘿蔔糕啦! 應該夠照嘞啩!?!?? 起碼蘿蔔糕我好有把握，就算年糕整得唔好，都可以分散吓注意力嘛! 哈哈~~~

 右邊懶靚果底係比6299既; 左邊懶sweet 心型果底係我地既~ (應節嘛!)

孖T翻啅意大利。羅馬2010 - 閒逛羅馬市

睇開我個blog 既網友應該對依張相既pose 熟口熟面!

因為我 + 老公決定以後每到一個地方旅行，都要喺當地既出名地標影一張啜爆相! 哈哈~~~~

孖T翻啅意大利。羅馬2010 - 一償多年心願

第二天 - 2010年2月5日

是日終於可以見到"佢"嘞!!!

預計將要排好耐隊，所以離開酒店後第一件事......

孖T翻啅意大利。羅馬2010 - 旅行團唔會帶你去既快餐店

第一天 - 2010年2月4日

是日超早機! 我地清晨3.30am 準時出發渣車去Glasgow Airport~ 一路上周圍鋪哂厚厚既白雪，真係好擔心班機會delay or cancel......咁就無癮啦! 事關去羅馬並無直航，要中途喺Amsterdam Schiphol 轉機~

好彩飛機準時起飛! 到達Amsterdam 無時間比我地hea，幾乎即時要board~

3粒多鐘後我地就到咗Rome Fiumicino Airport!

V家愛心包裹 (2010年2月10日)

越來越討厭Royal Mail!!!!!!

V媽媽大頭蝦計錯日子 - 上星期五 (2月5日)寄咗個特快郵包比我; Parcelforce 星期一(2月8日)曾經嘗試送貨，不過我地仲喺羅馬，當然無人應門收郵包啦~

正常做法應該會留張咭，通知我佢地曾經嘗試送貨但無人接收，將會幾時幾日再次送貨，又或要我本人去取件.....之類~
但今次佢地竟然即時將郵包送咗去郵局 - 即係要我自己去郵局取件!!!!

依個都唔係問題~ 不過係咪應該通知聲我呢?

通知咭又唔比我; online tracking 又話尋日(2月9日)會再次送貨，搞到我尋日全日唔敢出街喺屋企等郵包，最後又無送來!

今日本來想出街買材料整年糕，又係因為等佢地送郵包唔敢出去......等咗成朝都無聲氣! 最後打電話問佢地......佢地先同我講郵包送咗去郵局，要我自己去取件!

足足嘥咗我2日時間等個郵包!!  成班正飯桶!!!!

 雖然郵局好近屋企，不過大箱野好鬼重!

Avon Cosmetics & Skin Care

去羅馬前同Avon rep 落咗order~ 不過轉個頭我就完全唔記得件事，又無通知對方，累到rep 姐姐摸門釘!

尋日(2月9日) 晏晝rep 姐姐再來送貨......屎火~~~~~~~~~ 喺羅馬時比哂d英鎊老公袋住，銀包只得歐羅!!!!! (老公怕我大頭蝦，英鎊歐羅放埋一齊會撈亂~ )

無cash 喺身邊，唯有請rep 姐姐晏少少再來過......又令rep 姐姐白走一趟，真係非常咁唔好意思!
(不過rep 姐姐走咗後，我醒起money box 裡面有大咋£2 coins......)

 今次order 既野唔多......

孖T翻啅意大利 - 羅馬2010

我返咗來嘞!!!!!  
潛水去幾日......同大家報個平安先! (Thank you all~ )
查實我同Mr.T 去咗羅馬旅行5日~ 我地玩得好鬼開心呀!

(年近歲晚，無謂事先張揚我地幾日唔喺屋企啦! 萬一有人爆格咪屎火 ...啋!!)

點解我話係"翻啅"呢? 因為我 + Mr.T honeymoon 時已經去過意大利~

DIY! (2010年2月3日)

來咗英國十幾年，除咗我剪男人頭果幾年有keep 住去salon 之外，我留返長頭髮之後，只去過英國既salon 2次!

不過2次都嗌哂救命咁返香港，搵自我中學時代開始幫我剪頭髮既髮型師Eddy 補鑊......

自此我每次返香港，一落機第一時間做既第一件事， 就係搵Eddy 幫我剪頭髮!

上次返香港已經係舊年3月既事~ 頭髮已經長咗好多，已經到腰嘞!  但暫時我並唔想剪短住，因為我間中會捲曲髮~

不過前面既髮蔭越來越長，我越來越頂唔順.......

 唯有自己操刀搞掂! (其實已經唔係第一次咯~~~~ )

為食漬 (2010年2月2日 + 3日)

老公有大食漬可以一水食4個包; 而我就懷疑自己有"為食漬"!
老公成日話我為食，同時我仲係果種最容易比電視催眠既人~ e.g. 我見到電視有人食緊火腿，我突然又會好想食火腿......之類!  

尋日 + 今日再一次印證咗老公係啱既!!!
年近歲晚，大掃除掃到我似隻狗!!! 依兩日一路執野一路睇電視~

尋日晏晝執執吓野睇到NHK台影緊人喺餐廳食緊意粉......我突然又好想食意粉!  

 即時整咗個超快手10分鐘意粉做下午茶! (無錯~ 因為我之前已經食咗lunch!!! )