無題 (2011年2月13日)

尋日我出咗一篇blog 講V媽媽煮既餸 (網誌)，當中我提及早前喺FB貼一幅鮑魚相，有一位我唔認識既網友留言話我黐線，的而且確係真係其事!

為方便我老公既FB朋友睇相 + 留言，我將FB setting set 做friends of friends 都可以睇到 + 留言，而留言話我黐線既人係我一位blog 友D既朋友~

V媽媽靚正餸2011 (回英篇) - 1月9日

自踏入兔年以來我都仲未食過一餐好野!

(暫時食得最多竟然既係藥丸! 唉......)

我仲要食2星期消炎藥，睇來食藥依段時間最好都係戒口先~

早前post 咗3篇"V媽媽靚正餸"，

好多網友都留言問我: 今次回英時有無鮑魚食?

緊係有啦! 我來咗英國10幾年，每次返完香港回程時都一定帶鮑魚上飛機食，今次點會例外呢?

既然我仲有一段時間唔食得好野，咁就用依篇"V媽媽靚正餸回英篇"來望梅止渴啦!

木瓜煲雞腳; 白切清遠雞; 清蒸金錢斑; 酥炸美國桶蠔; 豉油皇大蝦; 芹菜蜜糖豆炒鵝肝腸

返親英國都係零晨機，所以可以食埋晚飯先出門口~

No Place Like Home (2011年2月9日)

補祝各位blog 友人日快樂啊!

失蹤咗幾日，因為初四(2月6日)傍晚我突然發燒，Mr.T 即時送咗我去急症室!

其實喺急症室時已經退咗少少燒，我當時仲心唸頂哂龍個零鐘頭就可以返屋企啦......

 睇吓我笑得幾得戚，坐定粒六以為自己返硬屋企果隻!

大吉大利年初一 (2011年2月3日)

今年我既年初一與別不同 + 認真難忘......

因為我喺醫院做咗一個微創手術中渡過!

手術日子係我返香港前由醫生決定既，我份人怕麻煩唔想改來改去，百無禁忌啦! (And that's why 我無留喺香港過埋農曆新年~)

雖則話係微創，不過個肚無啦啦"吉"咗2個窿，話唔痛就假既!

不過大家唔洗擔心我啊! 只係一個小手術來，手術完成後幾粒鐘我已經可以返屋企，而且Mr.T 請咗幾日假喺屋企全天候照顧我，我好快會完全好返架嘞~

送虎迎兔 (2011年2月2日)

因為今年有少少事，所以今晚年三十晚 + 聽日大年初一我都唔會煮飯，

雖然唔煮團年飯 + 新年飯，不過係咁二我都蒸咗d年年有餘應吓節!

係呀~ 我今次返香港買咗鯉魚模呀!

2011第一擊 (2011年1月29 + 30日)

本來由香港一返到來，已經好想即時趁依度新年大減價水尾去放吓血!

可惜天氣 + 身體都唔爭氣，搞到連續幾個weekend 都留喺屋企宅，眨吓眼咁就過咗大半個月，今個weekend 我終於忍唔住要出動嘞~~~~~~

 條街咁鬼凍，2日夾埋只行咗2、3粒鐘收穫不多，但總算不錯!

返尋味 (2011年1月28日)

舊年農曆新年整咗一底蘿蔔糕一底年糕比6299~ 
老公阿姨食過我手勢返尋味，今年託老公問我整兩底蘿蔔糕比佢!  

 一素一葷 - 原本阿姨話只要一底素，後來加碼要多底葷既!

素果底我只加咗冬菇，調味亦改用鹽而唔用雞粉;

葷果底就有蝦米、瑤柱、臘腸 + 冬菇~

V媽媽靚正餸2011 - 1月6日

是晚屋企一家人食飯，V媽媽大顯身!
基本上我 + 老公返親香港，V媽媽都會盡量抽一晚時間煮一餐咁既"勁野"，一家人食一餐飯!

本來依餐老公都有份既! 好衰唔衰原本打算煮依餐飯果晚，個煤氣爐壞鬼咗要搵人來換! 

當時已經係老公留港既水尾，V媽媽一時間arrange 唔到另一晚有時間......老公唯有睇我影既相來想像吓啦! (可憐~~~~)

鮑魚煲老雞; 爆沙魚肚芹菜炒扇貝; 金華火腿蠔汁扣鮑魚; 白切清遠雞; 清蒸金錢斑; 家鄉南乳鴨; 酥炸美國桶蠔; 薑蔥炒蟹; 腰果炒肉丁

唔記得影個湯!  不過連埋個湯，依餐一共有9味餸......

My Beautiful Home

What a beautiful city..........

二人世界清清淡淡二餸一湯 - 2011年1月25日 (附食譜)

腐竹銀杏花生煲豬肚; 冬瓜芹菜炆豆腐卜釀肉 & 豆角炒火腿扒

好明顯我已經真真正正融入咗英國既生活~

因為返咗香港個幾月加上感冒初癒之後，我竟然會掛住英國既垃圾食物!!