川貝海底椰雪耳蘋果湯; 砵酒忌廉燴牛腩; 白飯魚煎蛋 & 腐乳炒菠菜
早排天氣炎熱，搞到完全唔想煮飯; 但最近依2星期天氣開始變返清涼，今日終於有心情煮返三餸一湯嘞! 
不過唔好以為我之前一直偷懶喎! 其實我一路都有煮飯 - 只係貪方便快手 + 瘋牛症發作，整咗無數餐牛扒飯~~~~ 
真係好鬼耐冇煲過湯嘞! 早排99去加拿大買咗d川貝 + 海底椰返來，就用來煲蘋果啦! 
上次為咗整個"砵酒焗肉碎生蠔"而特登買咗枝砵酒，不過用剩好多，我 + 老公又少飲酒，所以要搵方法消滅咗枝砵酒......本來想試吓炆牛尾，不過老公鍾意啖啖肉，所以改為炆牛腩!
依個牛腩係西式做法，本來冇打算加忌廉~ 不過今日整開朱古力雪糕比老公，用剩少少double cream 又唔想keep，於是加埋落煲牛腩度! 哈哈~~~~ 估唔到味道竟然好夾喎!!! 
好鍾意食白飯魚煎蛋~ 不過一向只有返香港時，V媽媽整先有機會食! 早排喺泗和行見到有急凍咗既白飯魚仔，就買一包試吓啦!
P.S. 白飯魚煎蛋做法同鮮蜆肉煎蛋做法類同，只係用白飯魚代替蜆肉~ 所以今次唔出食譜，食譜請參考"鮮蜆肉煎蛋"~
川貝海底椰雪耳蘋果湯(參考食譜)click here~
砵酒忌廉燴牛腩食譜click here~
鮮蜆肉煎蛋食譜click here~
我都好鍾意食 白飯魚煎蛋哦~~ 不過我亞媽成日都唔整.... 搵日要自己整下...
回覆刪除[版主回覆08/29/2009 16:24:00]我 + V爸爸都好鍾意V媽媽整依味! 不過我喺度買到依隻白飯魚好鬼細條........
白飯魚...我成日都想用黎煎蛋... 但係我成日覺得好難煮...= =" 如果你唔係, 係英國...我一定去你到開飯^^v"
回覆刪除[版主回覆08/29/2009 16:22:00]哈哈~~~ 妳過來探我時，都可以來我屋企開飯架!
白飯魚都有得賣...真係估不到...
回覆刪除白飯魚除咗煎蛋外....椒鹽炸都好好味架....
[版主回覆08/30/2009 05:40:00]咪又係雪到硬過磚頭果d雪藏野來! 麻麻地~~~
我依d係白飯魚毛來架! 炸完都唔知仲有冇得剩?
好豐富既晚餐，仲有飯後甜品食
回覆刪除[版主回覆08/31/2009 01:17:00]飯後甜品只係整比我老公食架咋! 我唔鍾意食雪糕~~~~