鮮人參雞湯; 雙寶飯 (叉燒鹹蛋碟頭飯) & Crème Brûlée
尚未正式入冬我已經感受到"歐洲新冰河時期"既前奏威力!!
我習慣每朝早起身第一件事就係先對一大杯微暖清水;
多年前喺首爾一間超市試飲過柚子蜜就即時愛上咗~
從始我蘇格蘭既屋企長備柚子蜜!! V媽媽寄親野比我都會順便寄樽柚子蜜~
冬天飲一杯熱辣辣既柚子蜜來潤吓真係好正!!
依排真係好鬼凍~~~~~
而且似乎有越來越凍既趨勢!!
原來鮮人參好鬼香果喎! 一拆包裝就有好濃烈既人參香味攻過來~~
我仲以為好似冬菇咁要曬乾咗先會香既呢......
雖然我好想煮餐熱辣辣飯，不過真係凍到個人懶哂硬係唔想出街買餸! 最近成日叫Mr.T 放工時順便幫我去超市買餸返來......
時間啱啱好~ 個黃起哂油沙好鬼靚!
(忘記幫隻黃來個close up 呢!!!
)今次舊叉燒用咗柳枚來燒! 因為我要喺電話"遙控"Mr.T 買餸，佢識鬼睇邊舊枚頭肥瘦適中咩? 依度既柳枚屬高檔貨條條都差唔多(洋人唔鍾意肥肉嘛!)，叫Mr.T 買柳枚無走雞!
雖然柳枚係瘦完全無肥(我鍾意食肥叉多d!)，不過燒出來肉質嫩滑腍口一樣好好食架!
本來依餐係三寶飯既 - 自製叉燒、自製燻蹄 + 自製鹹蛋~
不過我前晚忘記咗整燻蹄係要雪過夜既!
所以最終得返叉燒 + 鹹蛋......
鮮人參雞湯食譜click here~ 自製蜜汁叉燒食譜click here~ 自製鹹蛋(鹽水浸製法)click here~ Crème Brûlée(法式焦糖燉蛋)食譜click here~ 
沒有留言:
發佈留言