懷念故友 – 雲片糕食譜

有睇開我blog既blog友應該會知道，
阿V細個時同V婆婆V阿姨一齊住喺長洲，
每逢乜節物節放長假期時，
先會返去V爸爸V媽媽九龍既屋企渡假~
果時放假除咗好開心可以見到V爸爸V媽媽之外，
仲好興奮因為可以同鄰居兩姐弟一齊玩!
(BB + K仔 – 化名! 唔係吳XX呀!! )

李家小姐讀書生涯 - College + 大學篇

點解無咗中學既呢?因為我既中學生活乏善可陳~ 成績亦唔標青......中學時既成績表我一張都無!
當年V爸爸將成績表交咗比英國既親戚幫我搞入學手續，就唔知去哂邊嘞!

李家小姐讀書生涯 - 幼稚園 + 小學篇

早前同一位網友msn 講返好多細個讀書時既回憶......

間中會有人問我: 妳讀咁多書都唔出來工作，唔覺得好浪費咩?

我唔排除問既人當中有部份會陰謀論地認為 - 小妹所謂出國留學只係掛名，因為讀書唔成所以搵到飯票就結婚......(就算係又吹咩! )

不過查實小妹從小到大成績尚算不俗~ 而且我曾經都有一個好有大志既"我的志願" - 律師! 律師係我既第一志願; 第二志願係家庭主婦~

人小時候思想總係比較單純......細個睇電視見親法庭打官司，著住黑袍笠假髮果種大狀伸張正義，為受害人討公道; 為被冤枉既人還個清白......我直頭覺得依個世界無任何一個職業比律師更有型!

(其實應該只限大狀先啱! 細個時唔識分，一律只理解為"律師"......)

人大個咗就不再單純......殘酷既事實令我知道做律師既唔一定係好人! 就算係好人，好多時都身不由己要做違背自己良心既事.......


題外話 - 我認識一位只需坐office 唔洗上庭果種事務律師仔，佢就經常利用自己專業知識搵著數，手法近乎無恥!!  老實講 - 我真係好睇佢唔起!!

回正題 - 就係咁~ 今日既我實現咗自己第二志願!

我既讀書生涯由幼稚園講起......

 我既幼稚園畢業照 - 紅圈係我; 藍圈係我伴娘Cass~

My Toy Story~

唔知大家仲有無保留小時候既玩具呢?

星期日睇去完Toy Story 3，今集講玩具主人Andy 長大後將眾玩具送出，希望眾玩具可以繼續為小朋友帶來歡樂......
雖然不多，但我仍然保留住少量已有咸豐年歷史既兒時玩具架!

 好老實 - 莫講話攞去捐，我唸依咋野揼出街都無人會執~  

不過佢地載滿咗我小時候既回憶......

童年茶點之回憶

係呀~ 我依度買到山楂餅架!

香港花卉展覽 (N年前)

見到網友去咗參觀一年一度既香港花卉展覽，影咗好多靚相......

我N年前讀緊中學時 (唔記得咗Form 幾咯......)，都參加過香港花卉展覽既中學組插花比賽架! 
(係呀~ 插花又有我份呀!!)

記得當年中學組參賽主題係"錦繡前程"......

 我插咗盆咁既劣作出來 ......而家睇返相真係勁滴汗! 
似乎應該叫做"一帆風順"，多過"錦繡前程"喎......

回到未娶未嫁時 - 孖T小時候

早幾日post 咗"李家小姐初出城"~ 摷開舊旅行相出來順便整理埋其他舊相......
Post 部份BB相出來等大家再讚吓我可愛先!

 我好鍾意依張相，因為相裡面既我笑得好開心又好innocent!

李家小姐初出城‧日本北海道 (1987年2月)

尋日(2月24日)一早起身望出窗......即時忍唔住爆咗句F word!

狗公 (2) + (3)

續狗公(1)......

(2) 以前每年暑假返香港，我一定會相約同我一樣鍾意睇書既好友伴娘C一齊去行書展，每次都滿載而歸~

有一年我地又去書展，已經行到尾聲，我 + C兩手都抽住幾大袋書，突然行到一個好多人既攤位，C先行頭擠入人群當中，我跟住C後面，八卦地尖起腳伸頭張望......

依個時候我感覺到抽住兩大袋書本既右手，有一團暖暖既野"high"緊我手背! 我轉頭一望 - 係一個外表斯文帶金絲眼鏡，身穿裇衫西褲，兩手空空插住褲袋既狗公，隔住條褲用佢下體"high"緊我手背!!!!!

(正人渣~ 真係行書展既又點會兩手空空??)

我一轉頭佢即時轉身走!!! 我向C求救，但C從人堆中返出來後，狗公已於書展人群中消失得無影無蹤!

C唯有安慰我，陪我去洗手間，我不停洗咗好多次手.......

狗公 (1)

會考八優既中文大學二年級生喺港鐵公然露械摩擦少女臀部罪成，雖然我好戥對方父母難過，不過我真係覺得大快人心!

因為世界實在越來越多依種變態狗公狗婆! e.g. 早陣子睇新聞18歲少女同未成年男友喺公眾地方進行性行為，被途人發現喝止仍然當人無到繼續做，係都要人地報警拉上差館見哂報紙先知衰......依d行為同狗根本完全無分別!

有朋友曾經喺圖書館比人偷拍裙底; 而我曾經遇過3次下流狗公......

我和捷克割蓆之原因

同網友傾談間無意中提起 - 我發過誓依世唔會再去捷克!

網友想知箇中原因......

我有2個passports - BNO + 特區護照; 結婚前我一直都係持student visa (學生簽証)既BNO出入英國境，而特區護照我就一次都未用過......

05年2月我、老公 + 2位朋友相約一齊去捷克首都布拉格旅行，當時既捷克仍未入EU Schengen Area (歐盟申根公約國)，所以持BNO 需要申請旅遊簽証!

當日我帶住有學生visa既BNO，我地一行4人興高采烈由Glasgow 機場出發到咗布拉格機場，老公 + 朋友們因為都持英國護照，所以都一早順利過關......

到我過關時職員見到我個BNO，一句說話都無講，就由counter 行出來將我帶返入去關口後面既長椅.......叫我坐喺果度等! 之後連同我個BNO消失咗......

當時仍然有好多遊客排緊隊過關，已過關既老公 + 朋友們隔住關口不停張望，唔知發生咩事.......

當年萬聖節前夕...再前夕 (2001年10月30日)

屋企換季大掃除，執衫執鞋執到人都癲!!!!  原來買吓買吓不知不覺中......我擁有既身外物數量係咁驚人喎~~~~~  好似永遠都執唔完咁......

執吓執吓摷返好多收埋咗既舊野出來，感覺好得意! 因為e.g. 有某d物品，我買or 我得到時既情境、心情......仍然歷歷在目! 同時又覺得時間真係過得好快~~~ 快到妳唔信!!!

掛住睇舊野...越執越慢......!!!

N年前既長洲太平清醮

尋日(5月12日)係長洲一年一度既太平清醮~

細個時因為V爸爸 + V媽媽要搵食，所以我同外婆 + 阿姨一齊住喺長洲! 冇錯~ 我就係讀奧運金牌得主 - 李麗珊既母校~ 李麗珊係我師姐來! (不過佢識得我老鼠.......)