收爐了! (2015年2月17日)

今年個蒸糕bell 響到年廿九先停! 蒸咗2輪糕.......

第一輪兩底都係蘿蔔糕 - 一素一葷~

廚房新玩具之車房尋寶記

屎火屎火......我個blog 就快發霉了!
鑒於最近蘇格蘭天氣太好日日大太陽，
返香港時好多auntie 話阿V皮膚太白淨，
所以我要趁好天氣出外吸收多d"太陽精華"~
再加上周圍summer 大減價正進行得如火如荼，
又要兼顧家務，冷落咗依度.......

廢話少講入返正題~~~~~~~~
大掃除進行得8899，希望未來幾星期內可以去weekend car boot sale 開檔!
99返香港之前交帶落 - 話車房有好多雜物，
叫我地啱就攞去car boot sale 賣咗去~
於是一個風和日麗既傍晚，我地去車房"探險".........

車全部泊喺後園，可以泊2架車既大車房已變成一個大雜物房，
裡面真係勁多野! 而且大部份竟然全新未開盒未用過!
忍唔住"拯救"咗幾件全新正野據為己有......

獎品 (2013年6月19日)

今日終於收到Cake Pop比賽既獎品嘞!

屈居 (2013年6月13日)

上星期我整咗2個作品參加咗一個公開Cake Pop比賽，(網誌)
尋日(6月13日)有咗賽果嘞.......

尋日黃昏收到email通知話我得到第2名!
不過就無講我邊個作品得獎~

SKK鑽石鑊用後感

早兩星期買咗既SKK 鑽石鑊已經喺追月補做節當晚開咗光嘞!
之前講過鑽石鑊標榜傳熱快，
鑊面受熱平均; 用油量少夠鑊氣;
不黐底易清潔;  
易潔塗層非常堅硬，不易刮花或脫落......
今次就炒碟"芹菜節瓜片炒雞柳"， 
圖文並茂來講一講用後感，毒一毒大家!

1. 傳熱快 + 鑊面受熱平均

凍鑊落1小匙油後加熱，雖然鑊有個碗底設計，
不過加熱時整個鑊面連鑊邊都好熱，讚!

冬菇BB (2012年9月20日)

早幾日浸咗4隻冬菇來整荷葉蒸雞，
冬菇浸軟後搾乾水切絲......
切哂4隻冬菇後發現浸冬菇水裡面有粒野，
以為有隻冬菇甩咗粒椗......

睇真d先發現原來係一粒同手指公指甲咁上下大細既冬菇BB!
Sooooooo cute~

大功告成! (2011年9月7日)

從未試過連續咁多日開住焗爐 - 水水都係整月餅!

忙於整月餅，搞到連飯都無時間煮......
整咗咁多日月餅，終於大功告成嘞!!

無計住整咗幾多次 + 整咗幾多......

不過5、6次應該無走雞!

錯在哪裡?之饅頭

因為打算整饅頭，所以早兩日整咗老麵種~

之前見好多人話 - 饅頭係最容易整既!

不過我連續整咗兩次，效果都未如理想......

家樂牌榮譽Blog友

好驚喜又好榮幸早前收到家樂牌市務部場策劃部既留言，邀請我成為特選既家樂牌榮譽Blog友，同時仲收到家樂牌產品禮品包1個~

批死我......(2011年6月2日)

上文提要......

兩個月前我終於將我架買咗大半年既kitchen trolley 安裝好兩邊摺板!  (網誌)

當時已經有blog 友predict 我多咗兩塊摺板，用慣後就唔會再將摺板收返落來......

不出2個多月真係應驗咗喎!

blog 友仔真係挑通眼眉嘞!!

一個唔該又放滿哂成個枱面，而家真係唔洗旨意再將摺板收返落來咯...

(P.S. 濃妝老翻Barbie stand by 等候我隨時興起將佢變成蛋糕~ )

Finally......(2011年3月25日)

上文提要......

返尋味 (2011年1月28日)

舊年農曆新年整咗一底蘿蔔糕一底年糕比6299~ 
老公阿姨食過我手勢返尋味，今年託老公問我整兩底蘿蔔糕比佢!  

 一素一葷 - 原本阿姨話只要一底素，後來加碼要多底葷既!

素果底我只加咗冬菇，調味亦改用鹽而唔用雞粉;

葷果底就有蝦米、瑤柱、臘腸 + 冬菇~

送禮 (2010年9月20日)

早幾日第一次整傳統廣式月餅得到網友誇獎!

測試Cast Iron"流淚"之謎

其實我未整爛個Tefal Cast Iron 煲之前， 已經打算買多隻可以炆到雞鴨size 既cast iron casserole!

不過我之前一直用開又好滿意既法國牌子Chasseur 而家買唔到現貨，唯有轉向英國周圍都買到現貨既Le Creuset!

最近另一法國牌子Staub 喺香港大熱，好多用家都話Staub 比Le Creuset 優勝得多! 好多原本用開Le Creuset 既用家棄LC 轉買Staub，而且不約而同都話LC會"流淚"; 但Staub 就一定唔會"流淚"，因為Staub 既設計密氣唔會流失水份云云.......

(不過世事無絕對既 - 因為都見過有人實牙實齒話Staub 唔會"流淚"，但買咗一隻會"流淚"既Staub 返屋企......完全好矛盾果隻! )

幾千蚊買隻LC 返來會竟然會"流淚"????? (查實我仍然唔知"流淚"即係點???  估計應該係煲邊會有倒汗水流落來之類啩!?!?)

我唔知究竟Staub 係咪真係好過LC 喎! 英國只有好少量集中喺南下既店有售Staub 現貨，而且網上店款式顏色都不及香港多選擇，所以暫時我仲未有幸見到Staub 真身，更莫講話用過......

不過我前日煮飯，LC 28cm Round Casserole 首次開光，我就趁機來親身了解一下依個"Le Creuset 流淚之迷"!

壯"裂"犧牲 (2010年7月16日)

是日不宜烹飪!

平時我已經好論盡成日整親自己~  不過最近我既論盡唔再局限於自身，仲開始波及埋我d寶貝cookware......

 早排我唔小心打爛咗個米色Le Creuset 心型ramekin 個蓋......

廚房離奇失蹤案 (2010年6月17日)

點解會咁架????????

贈品 (2010年6月11日)

最近喺泗和行買既雪藏海鮮好興送野!

例如早幾日雪藏青口裡面有隻豆蟹;

今晚整三杯魷魚......

盒雪藏魷魚溶雪後，中間夾雜咗一條魚骨!

買咗依種雪藏魷魚好多次，都無見過有魷魚以外既異物~

自家種成長日記

四葉幸運草

2007年去意大利渡蜜月時，喺羅馬一間精品店買咗2盒迷你自家種四葉草，當時成功種出2塊四葉草!

 先種出來既一塊，我先夾咗喺厚書度整乾，再過咗膠做成護身符~

後來種出既一塊，老公太心急喺未夾乾既情況下過膠，最終塊四葉草爛鬼咗!

於是我將自己果一塊比咗老公，老公一直放喺銀包裡面!