廚房新玩具之車房尋寶記

屎火屎火......我個blog 就快發霉了!
鑒於最近蘇格蘭天氣太好日日大太陽，
返香港時好多auntie 話阿V皮膚太白淨，
所以我要趁好天氣出外吸收多d"太陽精華"~
再加上周圍summer 大減價正進行得如火如荼，
又要兼顧家務，冷落咗依度.......

廢話少講入返正題~~~~~~~~
大掃除進行得8899，希望未來幾星期內可以去weekend car boot sale 開檔!
99返香港之前交帶落 - 話車房有好多雜物，
叫我地啱就攞去car boot sale 賣咗去~
於是一個風和日麗既傍晚，我地去車房"探險".........

車全部泊喺後園，可以泊2架車既大車房已變成一個大雜物房，
裡面真係勁多野! 而且大部份竟然全新未開盒未用過!
忍唔住"拯救"咗幾件全新正野據為己有......

先喺車房深處搵到一件用Sogo 膠袋密封咗重甸甸既"行李"~
點解我話係"行李"呢? 
因為上面掛住N年前搭英航寄倉既行李牌! @@
幾乎可以肯定依件行李由香港到英國之後，
從未被開封就直接入咗車房.......

拆開重重包裝後，見到一個Thermos 膳魔師真空煲既紙盒!
(Mr.T 叫我唔好咁開心住...因為99好興用紙盒放其他野入去帶過來.......)

Bingo~~~~~ 打開後係一個全新連膠袋說明書既真空煲!

雙不锈鋼內煲

我無用過真空煲亦無打算買，所以從來唔知真空煲價錢，
一直都以為真空煲只係一千幾百，
我check 過依個型號...而家賣緊$2588! @@

WMF 14cm 不锈鋼煲仔

d屎咁大隻，可愛~ ❤

全新Tefal 紅點28cm 炒鑊連玻璃鑊蓋 + 膠鑊剷 (無攞個鑊剷!)

台灣製岩煉養生鍋(細)
車房裡面仲有一個大既! 我只貪佢嬌小可愛攞咗個細~

全新孖人牌生果刀2把

仲有依個........(好重呢!)

50cm 高玉雕觀音像，超靚~ ❤

除此之外，車房裡面仲有一個爆倉打橫大到可以藏屍既冰櫃，
裡面塞爆海味! Mr.T 恩准下攞咗一包大鱆魚 + 靚蝦乾~

其實...車房裡面仲有好多新蔟蔟既廚具，
不過我用唔著 + 廚房爆棚...... =P

同場加映...Mr.T 阿姨返香港前話買咗隻鴨仔比我，
不過佢返香港前無時間比我，好好攬呢! 
Thank you Mary~ ❤