久休復出三餸一湯 - 2014年7月22日 (附食譜)

節瓜瑤柱鱆魚煲排骨; 豉汁蒸排骨; 蒸魷魚仔乾 + 蝦乾; 清炒菠菜苗~
百忙之中終於"攝"到一日正正經經煮返餐飯!

鱆魚 + 蝦乾係喺車房攞返來既!

其實我好鍾意飲節瓜湯，無論煲或滾都鍾意~
可惜我依度只盛夏先有節瓜賣，而且有都未必靚......
今次買依個...好鬼大隻! @@

節瓜瑤柱鱆魚煲排骨(參考食譜)食譜click here~


依餐飯我煮得好輕鬆! (雖然餸菜只係低難度家常野~)

Miele 實在好洗好用!
因為我用迷你飯煲，所以如果一次過蒸多過一個餸，
最少要另開2隻鑊來蒸，飯煲放唔落.......
不過而家唔洗咁煩嘞~ 排骨魷魚仔乾蝦乾，兩樣野一次過塞哂入去蒸......
等佢咇就攪掂，正! 真係好方便!! 有點後悔買得遲呢~ =P

嗱~ 唔係盲目誇獎Miele，不過我的確覺得依碟排骨蒸得好靚!
豉汁蒸排骨食譜click here~

魷魚仔乾 + 蝦乾好鮮甜，好好送飯~