二人世界的三餸一湯 - 2009年9月17日

粉葛赤小豆扁豆煲排骨; 啫啫雞煲; XO醬炒鮮魷 & 銀芽炒銀魚乾

平時會加埋紅蘿蔔去煲粉葛湯，不過買餸時唔記得買紅蘿蔔!  又懶唔想再出過去，於是將就吓就咁煲啦! 好彩都幾甜~~~~

啫啫雞煲

The Final Destination 3D - 死神4來了 (2009年9月15日)

好耐無去過戲院睇戲嘞!

最近多數都係租DVD返屋企睇，可以坐得舒舒服服~~~

尋日(9月15日)等老公放工返來，我地就出咗去拍拖睇"The Final Destination 3D"!

因為套戲係3D，唔去戲院睇唔得........

蚊香

基本上我個廚房一年365日都唔會關窗......

我覺得廚房係最需要空氣流通既地方，所以就算冬天落大雪，我都會照樣開窗; 出街時就會開剩條罅! (有得lock 既~ )

不過因為我長開廚房窗既習慣，最近有大量蟲蟲喺我廚房trespassing!

 搞到我要喺廚房點蚊香!!!

一個人豐富宵夜 - 2009年9月12日

尋晚(9月12日)老公同朋友出去飲酒，我喺屋企睇電視等佢返來~ 睇睇吓電視突然覺得肚餓，於是快手整咗兜"海鮮湯瀨粉"比自己做宵夜!

有蜆有大蝦有魚蛋......

Cail Bruich West - 10th Anniversary Dinner (2009年9月9日)

忍唔住手......10週年點都要播播我地既孖T歌 - "N Sync - This I Promise You"~

 
尋晚(2009年9月9日) 老公帶我去一間開咗年多，但我地從未試過既餐廳食飯，慶祝拍拖10週年!

090909 - 孖T拍拖10週年

曾經.......

曾經我有一個習慣 - 每年大除夕一踏入零晨12點，無論我身在何地，都會低頭合上眼向天祈求一個愛我鍚我既Mr. Right~  今日我發現上天非常慷慨地醒咗件有好多"額外贈品"既筍野過我;

曾經決定除咗V爸爸之外，我以後唔會再相信任何男人~  今日我除咗百份百信任筍野，仲事事都依賴佢; 

曾經聽過好多人講所有男人結婚後，都唔會再好似拍拖時對妳咁好，甚至唔會再對妳好~  今日我發現原來真係有例外; 

曾經誓神劈願唔會同一個比自己年紀少既人拍拖~  今日我同依個年紀細過我4年既筍野拍咗拖10年，而且仲同佢結咗婚; 

曾經有一位朋友認識我無耐就同我講: V~ 妳有個咁既老公，妳真係瞓著覺都要偷笑~  今日我想同依位朋友講: 我無論瞓覺或清醒，都無時無刻偷笑、大笑、狂笑.......

二人世界"損"骨三餸一湯 - 2009年9月7日 (附食譜)

蜜瓜螺頭排骨湯; 南乳燒雞; 三杯三文魚頭豆腐煲 & 炒菜心

經常都見到超市有大大個好鬼靚既黃皮蜜瓜賣......偏偏我今日準備好哂材料煲蜜瓜湯，但行勻哂Tesco + Asda，就連蜜瓜核都無1粒!!!

三杯三文魚頭豆腐煲

南乳燒雞

依隻唔係"南乳吊燒雞" - 因為我並無"吊"過佢......依個可以話係懶人版既做法!