即興Hilton Buffet (2010年8月5日)

以前只等special occasions 我地先會去Hilton 食buffet，第一次去食時就係我地慶祝第一個情人節~

多年來雖然都試過Glasgow 其他酒店既buffet e.g. Marriot, Crown Plaza，不過講到食物味道 + 選擇，最好始終係Hilton! (咁最貴都係Hilton......)

而家我地唔會等到special occasions 先去，隨時想食就會去擦返餐勁!

尋晚我突然懶蟲 + 大食鬼上身，即興打電話問老公放工後想唔想食Hilton buffet，老公緊係話好啦!!

 我真係識揀日子 - 尋晚樣樣都係我 + 老公都鍾意食既!

蠔豉花蟹粥

早排見到網友Fian 煲咗花蟹粥，即時令我唸返起上次去澳門時，網友Samchi 媽帶我地去食過一鍋好正既田雞蟹粥 (網誌)......搞到我流鬼哂口水~~~

頂住檔 (2010年8月4日)

二人世界的三餸一湯 - 2010年8月4日 (附食譜)

合掌瓜紅蘿蔔牛蒡湯; 京都豬扒; 榨菜蒸豬肝 & 馬拉盞翠玉瓜炒帶子

湯係之前果餐飲剩既，煲完再煲仲加甜上加甜~

本來係想整中式豬扒既，不過尋日去買餸時買漏咗OK汁!  又唔想再特登落街喎，咁就唸吓仲有咩豬扒係酸酸甜甜 + 屋企有齊哂材料啦......

榨菜蒸豬肝

京都豬扒

二人世界的三餸一湯 - 2010年8月2日 (附食譜)

合掌瓜紅蘿蔔牛蒡湯; 榨菜蒸牛肉; 勁辣緬甸馬拉盞薑蔥生蠔 & 蒜蓉白菜仔

今餐唔滾湯嘞!  weekend 見到泗和行大大條牛蒡好鬼靚，好耐都無飲過牛蒡湯，就煲合掌瓜紅蘿蔔牛蒡湯啦~ 三樣材料煲埋d湯超甜 ，完全唔洗加鹽調味!

勁辣緬甸馬拉盞薑蔥生蠔

好味正宗墨西哥 - Pancho Villas (2010年8月1日)

剛過去既星期六(7月31日)，係我 + 老公既"哎吔"結婚4週年紀念~

同舊年一樣 - "哎吔紀念"我地並無特別慶祝，留返"正印"結婚紀念先慶嘛~ 不過我地出街食咗餐飯!

原本想星期六去Hilton 食自助餐，不過星期六果日去完街返來有少少唔舒服，最後連飯都無食到 ; 第二日又無咩胃口，於是改食墨西哥菜!

我之前非常抗拒墨西哥菜!

同老公一齊咁多年來，佢一直都有提議去食墨西哥野，但我次次都話唔好!   因為我曾經同一個ex 食過一餐超級難食既墨西哥菜，從此我就對墨西哥菜留下一個非常差既印象!!

反正尋日自己都無咩胃口，加上老公依排又想食辣想到發癲......

 咁就試試墨西哥啦!

新嘗試 (2010年7月31日)

Weekend 有事要去Callander，回程時順路經過 Dobbies Garden Centre，緊要去佢地個Farmfood Hall 及及......

 因為佢地賣既食品 + 調味料，一般超市係無得賣既!