Gandolfi Fish - 11th Anniversary Dinner (2010年9月9日)

早排經過Merchant City，發現好味老字號Cafe Gandolfi 隔兩個舖位，另開咗一間海鮮fine dining 餐廳 - Gandolfi Fish~

 尋晚(9月9日)老公訂咗位去Gandolfi Fish 慶祝拍拖11週年~

090910 - 孖T拍拖11年

眨吓眼咁快又一年~

11年前既9月9日我做咗Mr.T 女朋友; 今年既9月9日我做咗佢老婆已經幾年~ 近幾年感覺好似有個隱形人整鬼我特登較快我個鐘，日子過得越來越快...(好驚!! )

依11年來無論我望住瞓緊覺既Mr.T、工作緊既Mr.T、打緊機既Mr.T、睇緊電視既Mr.T、渣緊車既Mr.T、食緊飯既Mr.T、沖緊涼既Mr.T (係架! 我成日吼佢沖涼時跟埋入浴室同佢傾計架~ ).....除咗覺得佢好正之外，我仲會成日唸: 緣份真係好神奇!

我同Mr.T 兩個人，出生地點、成長背景完全唔同，真真正正一個東一個西......

未認識對方之前我地曾經搭過同一班機; 不約而同經常去同一個地方，但竟然一次都無遇見過對方......

我曾經遇過好多令我好有期望既人，但最終佢地都係令我徹底失望，令本來既我已經唔再相信愛情......

Mr.T 既出現，完完全全改變咗我~ 不過我曾經不懂珍惜，曾經親手將依份幸福推開過好多次......

所以我相信一定係緣份，又或者Mr.T 根本係傻既......令我地最終都走在一起~

我相信依個世界上，唔可能會搵到另一個比Mr.T 更寵愛我、更了解我、更遷就我、更縱容我、同我更志同道合既人~

依然係果句 - 無論比幾多次機會我重新選擇，我都一定會毫不猶豫選擇Mr.T!

因為Mr.T - 我老公，係我今生今世最大既成就 + 驕傲~

二人世界二餸一湯 - 2010年9月8日 (附食譜)

菜乾紅蘿蔔煲羅漢果; 節瓜冬菇炆排骨 & 蝦醬吊筒

今餐個炆排骨裡面有節瓜，已經有肉又勉強叫做有菜......就煮少一個餸啦，順便可以實習一下"T家少餸制"可唔可行!!?!

不過我發現係唔得既! 因為排骨炆出來仍然係一大煲!!!!!! 其實果盒排骨我前日已經用咗部份來煲菜乾湯，剩底既先尋日用來炆節瓜.......

大家可想而知盒排骨幾大盒!

大家可想而知喺英國做人少既家庭煮婦係幾咁有難度!!

節瓜冬菇炆排骨

蝦醬魚乾仔炒飯

二人世界三餸一湯 - 2010年9月7日 (附食譜)

菜乾紅蘿蔔煲羅漢果; 梅子磨豉醬炆鴨; 豆醬蒸魚 & 白灼芥蘭

(話咗每餐減份量，但暫時仲未做得到.......)

尋日買餸時偏偏買漏咗煲湯既紅蘿蔔! 唯有再出返去買......懶唔想行返去Asda (其實Asda 都好近! 嘻~ )，所以去咗再近少少既小型蔬果店~

梅子磨豉醬炆鴨

豆醬蒸魚

早排喺網上見有人話楊協成豆醬用來蒸魚好正!

黃昏靚景 - 2010年8月份

小喇叭!!!!!!!!!!!! Yahoo 今日又玩野!!!!

以下12張相我總共upload 咗9次，先全部up 得哂，真係張張皆辛苦!!

編輯網誌 + 上載圖片，都要click 幾次先load 到果頁!  

填表投訴佢地，佢地會回你 - "關於您在使用Y! BLOG時遇到的問題，在收到您的報告後，我們立即嘗試在Y! BLOG上測試有關功能。而經我們了解後，確認該功能運作正常。"

一副"我地驗咗嘞，唔關我地事喎!"  既態度，好含冤咁暗指係我屈佢地 - 相當有大哥精神!!!

壞來壞去都係果咋問題; 每個問題排隊輪住或同一時間打孖上壞完又壞; 投訴佢地又大哥上身死口唔認錯......有乜辦法唔激到班用戶發癲吖??????

回正題 - 8月份無添加黃昏靚景......

 8月13日

鑽石 (2010年9月4日)

Bling Bling 呀~~~~~~

不過唔係戒指 ; 唔係耳環 ; 又唔係頸鏈吊咀喎......

 
係佢!