久休復出報答恩(老)公既二餸一湯 - 2011年2月28日 + 3月1日 (附食譜)

係呀~ 我復出嘞!!!!

其實上星期我已經戒完口 + 好手痕好想煮飯!!

但個肚仲有少少扯扯吓，所以老公叫我抖多一個星期......

不過已經戒完口就緊係想食好d啦!

 所以去咗任食打邊爐擦餐勁!

 昆仲軒個任食打邊爐係咁既~ Mr.T 正攞緊野食!

 今次有生猛大隻白蜆喎! 放佢地落煲時仲會吱吱咁既聲~

 除咗打邊爐之外，我仲食咗幾次KFC!

食咗成個星期立雜野，係時候煮返住家飯報答我個恩公過去一個月來對我照顧有加!

2月28日

手術大休後煮既第一餐~

話明要報答恩公，緊係要煮d老公鍾意食既野啦......

蕃茄煎蛋免治牛肉湯; 洋蔥頭抽豬扒 & 蒜蓉菠菜

 老公至愛既洋蔥頭抽豬扒 - 佢一早訂咗我對手，我好返後煮既第一餐指定要食依味!

 個湯都係佢話想飲既!

啱哂啦 - 無煮飯一排，屋企d雞蛋就快過期~

 其實我都好鬼鍾意依個湯! 今日用湯來撈飯做lunch，正~~~~

3月1日

蕃茄煎蛋免治牛肉湯; 蜜糖豆唐芹炒雞柳; 薑蔥醬油膏炒吊筒 & 涼拌麻香辣青瓜

仲有尋晚仲有半煲湯剩~

 依個本來唸住老翻V媽媽既靚正餸......

其實V媽媽用既係荷蘭豆，不過我買餸時買錯咗蜜糖豆!

 薑蔥醬油膏炒吊筒 - 平時煮依個我用生抽，今次試吓用台灣醬油膏，原來仲加正啊!!

 涼拌麻香辣青瓜 - 其實天氣仍然凍，仲未想食涼拌野住......

不過尋日見到超市青瓜好靚，忍唔住手買咗一大條!

依2餐真係煮得好過癮!

最開心係見到Mr.T 食得津津有味呢~  


 蕃茄煎蛋免治牛肉湯食譜click here~

 洋蔥頭抽豬扒食譜click here~

 蜜糖豆唐芹炒雞柳食譜click here~

 薑蔥醬油膏炒吊筒食譜click here~

 涼拌麻香辣青瓜食譜click here~