原味阿舍乾麵 (2011年3月4日)

星期一(2月28日)收到林家歐巴桑Gaile 從台灣寄來送我既阿舍麵線~ (網誌)

早兩日下午茶我已經食咗一包原味外省乾麵，果然真係好好味!

尋日(3月4日)又煮咗2個原味，同老公一人一個......

 今次我試台南乾麵;

 老公就試我早兩日已經試過既外省乾麵~

 (左)台南乾麵; (右)外省乾麵

2種乾麵既麵條材料都只得麵粉 + 鹽水，分別只係粗幼不同;

而原味汁材料亦只係得醬油 + 香油 - 即係豉油 + 麻油!

(真係咁簡單!!?!?! )


早幾日我第一次試原味外省乾麵時，一路煮麵一路研究包裝袋上既材料資料......

當我發現麵條 + 原味汁材料都只係咁簡單......

我就覺得好奇怪 - 點解依個麵可以瘋魔台灣呢?

不過當我煮好麵，食第一啖既時候，我就知道點解嘞!

麵條 + 原味汁既材料雖然好簡單，不過兩者配合起來竟然係意想不到既美味!!

台南乾麵麵質幼滑爽口; 而外省乾麵就彈牙好有咬頭~

至於個原味汁就係一種好難形容既好味道!

好香好香麻油味且味道鮮甜，同超簡單白麵條好配合~~~~

就咁淨係麵粉、鹽水、麻油 + 醬油，係咪真係咁好味呀?

會唔會除咗依4種材料之外，仲有其他不外洩既"秘密材料"呢??

但奇就係奇在 - 食依個麵時，你真係只食得出簡單既麻油 + 醬油既味道，同埋麵粉 + 鹽水整出來既麵條~
而你又真係會覺得個麵真係好正喎!!

尋日Mr.T 食咗第一啖就話: 哇~ 真係好好食喎!

麵既份量好少，當我碗台南乾麵只食咗3、4啖左右，Mr.T 已經KO哂佢成碗外省乾麵......

今次我 + Mr.T 試既都係原味，汁味道一樣，分別只在於台南 + 外省乾麵既質感!

而我 + Mr.T 都比較鍾意有咬頭既外省乾麵~

下次試完辣味再同大家報告!